ସମ୍ବଲପୁର- ସମ୍ବଲପୁର ଜିଲ୍ଲା ବୁର୍ଲାର କଟାପାଲି ଛକରେ ଟ୍ରକ୍ ଧକ୍କାରେ ଏକ ଯାତ୍ରୀବାହି ବସ୍ ଓଲଟି ପଡିବା ଫଳରେ ୫ ଜଣ ଆହତ ହୋଇଛନ୍ତି । ସେମାନଙ୍କୁ ବୁର୍ଲା ମେଡ଼ିକାଲରେ ଭର୍ତି କରାଯାଇଛି । ଆହତ ମାନଙ୍କ ମଧ୍ୟରେ ବସ୍ ର ଡ଼୍ରାଇଭର ଓ ହେଲପର୍ ମଧ୍ୟ ରହିଛନ୍ତି । ତେବେ ସେମାନଙ୍କର ସମ୍ପୂର୍ଣ୍ଣ ପରିଚୟ ମିଳିପାରିନାହିଁ ।
ଆଜି ସକାଳେ ବସଟି ଜୟପୁରରୁ ସମ୍ବଲପୁର ଅଭିମୁଖେ ଆସୁଥିଲା । କଟାପାଲି ଛକ ନିକଟରେ ଏକ ଟ୍ରକ୍ ଏହାକୁ ପଛରୁ ଧକ୍କା ଦେଇଥିଲା । ଏହାପରେ ବସ୍ ଟି ଭାରସାମ୍ୟ ହରାଇ ରାସ୍ତା କଡ଼କୁ ଓଲଟି ପଡିଥିଲା । ଦୁର୍ଘଟଣା ଘଟାଇଥିବା ଟ୍ରକ୍ କୁ ପୋଲିସ ଜବତ କରିଥିବା ବେଳେ ଡ଼୍ରାଇଭର ଫେରାର୍ ହୋଇଯାଇଛି । ପୋଲିସ ଘଟଣାର ତଦନ୍ତ ଚଳାଇଛି ।
