ଆଜି ରାଷ୍ଟ୍ରପତିଙ୍କ ଛତିଶଗଡ ଗସ୍ତ, ବିଧାନସଭାରେ ଆୟୋଜିତ କାର୍ଯ୍ୟକ୍ରମରେ ନେବେ ଭାଗ

ରାୟପୁର– ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆଜି ଛତିଶଗଡ ଗସ୍ତ କରିବେ । ନିର୍ଦ୍ଧାରିତ କାର୍ଯ୍ୟକ୍ରମ ଅନୁସାରେ ସେ ସକାଳ ସାଢେ 10ଟାରେ ବାୟୁସେନାର ସ୍ୱତନ୍ତ୍ର ବିମାନ ଯୋଗେ ରାୟପୁରରେ ପହଂଚିବେ । ଏଠାରେ ରାଷ୍ଟ୍ରପତି ଛତିଶଗଡ ବିଧାନସଭାରେ ପହଂଚିବେ ଏବଂ ରୌପ୍ୟ ଜୟନ୍ତୀ ବର୍ଷରେ ବିଧାୟକଙ୍କୁ ସଂବୋଧିତ କରିବେ । ରାଷ୍ଟ୍ରପତି ଦ୍ରୌପଦୀ ମୁର୍ମୁ ସକାଳ 11.05 ମିନିଟ୍ ସମୟରେ ବିଧାନସଭାରେ ପହଂଚିବେ । ବିଧାନସଭାରେ ପହଂଚିବା ପରେ ରାଷ୍ଟ୍ରପତି ମୁର୍ମୁ କଦମ୍ବର ବୃକ୍ଷରୋପଣ କରିବେ । ଏହାପରେ ରାଷ୍ଟ୍ରପତିଙ୍କ ସହିତ ସମସ୍ତ ବିଧାୟକଙ୍କ ଗ୍ରୁପ ଫଟୋ ହେବ ।