ଦିଗପହଣ୍ଡି/ ସାନଖେମୁଣ୍ଡି: ଆଜି ଦିଗପହଣ୍ଡି କନ୍ୟାକୁମାରି ପେଟ୍ରୋଲ ପମ୍ପ ନିକଟରେ ଏକ ସଡକ ଦୁର୍ଘଟଣା ଘଟିଥିବା ଦେଖିବାକୁ ମିଳିଛି। ଦୁର୍ଘଟଣାରେ ବାଇକ ଚାଳକଙ୍କ ମୃତ୍ୟ ଓ ଜଣେ ଗୁରୁତର । ମୃତ ଜଣକ ହେଲେ ଓଡ଼ାସିଙ୍ଗ ଗ୍ରାମର ଦିବାନ ରେଡି(୨୫), ଏବଂ ଗୁରୁତର ଜଣକ ହେଲେ ଧର୍ମେନ୍ଦ୍ର ସେଠି(୨୬) ବୋଲି ଜଣାପଡ଼ିଛି। ଘଟଣା ସମ୍ପର୍କରେ ଦିଗପହଣ୍ଡି ପୋଲିସ ସୂଚନା ପାଇ ଯୁବକ ଦ୍ୱୟଙ୍କୁ ଗୁରୁତର ଅବସ୍ଥାରେ ଦିଗପହଣ୍ଡି ଗୋଷ୍ଠୀ ସ୍ୱାସ୍ତ୍ୟକେନ୍ଦ୍ରରେ ଭର୍ତି କରାଇଥିଲେ ଓ ପରେ ପରେ ବ୍ରହ୍ମପୁର ମେଡିକାଲକୁ ସ୍ଥାନାନ୍ତର କରାଯାଇଥିଲା। ବ୍ରହ୍ମପୁର ଏମକେସିଜିରେ ଚିକିତ୍ସା ହଉଥିବା ସମୟରେ ଦିବାନଙ୍କ ମୃତ୍ୟ ହୋଇଥିବା ବେଳେ ଧର୍ମେନ୍ଦ୍ରଙ୍କ ଚିକିତ୍ସା ଜାରି ରହିଛି। ମିଲଥିବା ସୂଚନା ଅନୁସାରେ ବ୍ରହ୍ମପୁର ଅଭିମୁଖେ ଯାଉଥିବା ପଦ୍ମାଳୟ (ଓଡ଼ି-୦୭ ଟି-୦୧୨୪) ନାମକ ଏକ ଘରୋଇ ବସ୍ ଦ୍ରୁତ ଗତିରେ ଯାଉଥିବା ସମୟରେ ଏହି ଘଟଣା ଘଟିଥିବା ଜଣାପଡିଛି।
ରିପୋର୍ଟ: ପ୍ରଫୁଲ୍ଲ ସାବତ।
