ବୌଦ୍ଧ- ବୌଦ୍ଧ ଜିଲ୍ଲା ପୁଲିସ୍ ପକ୍ଷରୁ ବଲାସିଙ୍ଗାସ୍ଥିତ ରିଜର୍ଭ ପୁଲିସ୍ କାର୍ଯ୍ୟାଳୟ ପରିସରରେ ଏକ ସ୍ୱେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବରେ ଜିଲ୍ଲାପାଳ ଲଲାଟେନ୍ଦୁ ମିଶ୍ର ଯୋଗଦେଇଥିବା ବେଳେ ଜିଲ୍ଲା ଆରକ୍ଷୀ ଅଧିକ୍ଷକ ଭି.ରଘୁନାଥ ରାଓ ଶିବିରକୁ ଉଦଘାଟନ କରିଥିଲେ । ଅନ୍ୟମାନଙ୍କ ମଧ୍ୟରେ ଏସଡ଼ିପିଓ ସାଲେଷ୍ଟିନ୍ ଟିଗା, ଆରଆଇ ରାଜୀବଲୋଚନ ସେଠ୍, ସୁବେଦାର ସୁରେନ୍ଦ୍ର ଭୋଇ ପ୍ରମୁଖ ଉପସ୍ଥିତ ଥିଲେ । ଆଜିର ଏହି ଶିବିରରେ ମୋଟ ୪୦ଜଣ ପୁଲିସ୍ କର୍ମଚାରୀ ସ୍ୱେଚ୍ଛାକୃତ ଭାବେ ରକ୍ତାଦାନ କରିଥିଲେ । ଜିଲ୍ଲା ହାବିଲଦାର୍ କନେଷ୍ଟବଲ୍ ସଂଘର ସଭାପତି ବୁଲୁ ମିଶ୍ର, ସଂପାଦକ ସୁଶିଲ ମହାପାତ୍ର, ଧବଳେଶ୍ୱର ମିଶ୍ର, କୁମରମଣୀ ନାଏକ, ବିଭୁତି ଭୂଷଣ ବିଶ୍ୱାଳ, କୈଳାଶ ବାରିକ, ବିମଳ ମୁଖି ପ୍ରମୁଖ ଶିବିର ପରିଚାଳନା କରିଥିଲେ ।
