ନୂଆଦିଲ୍ଲୀ-ୟୁଟ୍ୟୁବର ରଣବୀର ଆହ୍ଲାବାଦିଆ ଓ ଅପୂର୍ବା ମଖିଜା ଇଣ୍ଡିଆଜ ଗଟ୍ ଟ୍ୟାଲେଂଟରେ ଦେଇଥିବା ଆପତ୍ତିଜନ ଟିପ୍ପଣୀକୁ ନେଇ ଜାତୀୟ ମହିଳା କମିଶନଙ୍କ ନିକଟରେ ଲିଖିତ ଭାବେ କ୍ଷମା ମାଗିଛନ୍ତି । ଏହି ମାମଲାରେ ଆୟୋଗ ତାର ରାୟ ସଂରକ୍ଷିତ ରଖିଛି ଏବଂ ଶୁଣାଣି ପାଇଁ କମିଶନ ରଣବୀର ଆହ୍ଲାବାଦିଆଙ୍କ ସହିତ ସମସ୍ତ ପ୍ରତିଭାଗିଙ୍କୁ ପୁଣି ଡାକିବ । ଏବେ ତାରିଖ ନିର୍ଦ୍ଧାରଣ କରାଯାଇନାହିଁ । ଆୟୋଗର ଅଧ୍ୟକ୍ଷ ବିଜୟା ରହାଟକର ଶୁକ୍ରବାର ଏହି ସୂଚନା ଦେଇଛନ୍ତି ।
ବିଜୟା ରହାଟକର ତାଙ୍କ ବାସଭବନରେ ଆୟୋଜିତ ପ୍ରେସମିଟରେ କହିଛନ୍ତି ଯେ, ରଣବୀର ଆହ୍ଲାବାଦିଆଙ୍କ ସହିତ ଚାରିଜଣ ଲୋକ ଗୁରୁବାର କମିଶନ ନିକଟରେ ହାଜର ହୋଇଥିଲେ । ସୋ ରେ ସେମାନେ ଯେଭଳି ଭାବେ ଅଶ୍ଳୀଳ ଭାଷା ବ୍ୟବହାର କରିଥିଲେ, ତାହା ଅଶୋଭନୀୟ ଅଟେ । ଆୟୋଗ କେବେ ଏହାକୁ ସ୍ୱୀକାର କରିବନାହିଁ । ଏଭଳି ଭାଷାର ବ୍ୟବହାର ନା ଲୋକଙ୍କୁ ସ୍ୱୀକାର୍ଯ୍ୟ ନା ଆୟୋଗକୁ । ଆୟୋଗ ଏହାର କଡା ନିନ୍ଦା କରୁଛି ।
