ପାରାଦ୍ୱୀପ- ପାରାଦ୍ୱୀପ ବନ୍ଦର କର୍ତ୍ତୃପକ୍ଷ କରନା ଭାଇରସର ପ୍ରତିଷେଧକ ନିମନ୍ତେ ଚୀନ ହଂକ୍କଙ୍ଗ ଓ ସିଙ୍ଗାପୁର ରୁ ଆସିଥିବା ସାତୋଟି ପଣ୍ୟ ଜାହାଜର କ୍ରିଉ ମାନଙ୍କ ପାଇଁ କଡ଼ା କଟକଣା ଜାରି କରିଛନ୍ତି । ଏହି ବାବଦରେ ଏକ ବିଜ୍ଞପ୍ତି ବନ୍ଦରର ମେରାଇନ ବିଭାଗ ପକ୍ଷରୁ ଜାରୀ କରାଯାଇଛି । ତଦନୁଯାୟୀ, ଉକ୍ତ ପଣ୍ୟ ଜାହାଜ ମାନଙ୍କରୁ ପଣ୍ୟ ଖଲାସ ଓ ବୋଝେଇ ହୋଇପାରିବ । କିନ୍ତୁ ଜାହାଜର କ୍ରିଉ ଅଥବା ନାବିକ ମାନେ ଜାହାଜରୁ ତଳକୁ ଓହ୍ଲାଇ ପାରିବେ ନାହିଁ। ଗତ ୨୭ ତାରିଖ ଠାରୁ ଆଜି ପର୍ଯ୍ୟନ୍ତ ବନ୍ଦରକୁ ଚୀନ ହଙ୍ଗକଙ୍ଗ ଓ ସିଙ୍ଗାପୁରରୁ ୭ ଟି ଜାହାଜ ବିଭିନ୍ନ ପଣ୍ୟ ନେଇ ଆସିଛନ୍ତି। ପଣ୍ୟ ଖଲାସ ହୋଇପାରିବ, ହେଲେ ସମ୍ପୃକ୍ତ ଜାହାଜ କର୍ମଚାରୀମାନେ ତଳକୁ ଓହ୍ଲାଇ ପରିବେନାହିଁ ବୋଲି ପାରାଦ୍ୱୀପ ବନ୍ଦର ସୂତ୍ରରୁ ଜଣାପଡ଼ିଛି।
