ମୁମ୍ବାଇ– ଅଭିନେତ୍ରୀ ତଥା ସାଂସଦ କଙ୍ଗନା ରନୌତଙ୍କ ବହୁ ଚର୍ଚ୍ଚିତ ଫିଲ୍ମ ‘ଏମରଜେନ୍ସୀ’ ସିନେମା ହଲ୍ ମାନଙ୍କରେ ଜାନୁଆରୀ ୧୭ ତାରିଖରେ ରିଲିଜ୍ (ମୁକ୍ତିଲାଭ) କରିଛି । ଏହି ଫିଲ୍ମରେ କଙ୍ଗନାଙ୍କ ଅଭିନୟକୁ ଦର୍ଶକ ପ୍ରଶଂସା କରିଛନ୍ତି । ଯଦିଓ ଫିଲ୍ମ ‘ଏମରଜେନ୍ସୀ’ ବକ୍ସ ଅଫିସ୍ ରେ ସେତେଟା ଭଲ ପ୍ରଦର୍ଶନ କରିନାହିଁ । ଏହି ଚଳଚ୍ଚିତ୍ର ତିନି ଦିନରେ କେବଳ ୧୦.୪୫ କୋଟି ରୋଜଗାର କରିଛି ।
ବକ୍ସ ଅଫିସ୍ ରେ କଙ୍ଗନା ରନୌତଙ୍କ ‘ଏମରଜେନ୍ସୀ’ ଧିମା ରୋଜଗାର କରିଛି । ସୈକନିଲ୍କଙ୍କ ମୁତାବକ, ଏମରଜେନ୍ସୀ ରିଲିଜ୍ ର ତୃତୀୟ ଦିନରେ କେବଳ ୪.୩୫ କୋଟି ଟଙ୍କା ବ୍ୟବସାୟ କରିଛି । ଏଥି ସହିତ ଭାରତରେ ଏହି ଫିଲ୍ମ ତିନି ଦିନରେ ମୋଟ୍ ୧୦.୪୫ କୋଟି ଟଙ୍କା ରୋଜଗାର କରିଛି । ‘ଏମରଜେନ୍ସୀ’ ଓପନିଙ୍ଗ ଡେ ରେ ଦେଶରେ ୨.୩୫ କୋଟି ଟଙ୍କା କଲେକ୍ସନ କରିଥିଲା । ଦ୍ୱିତୀୟ ଦିନ ୩.୬ କୋଟି ଟଙ୍କା ରୋଜଗାର କରିଥିଲା । ଏହି ଚଳଚ୍ଚିତ୍ରର ବଜେଟ୍ ୬୦ କୋଟି ରହିଛି ।
