ଦୁର୍ବୃତଙ୍କ ଛୁରାମାଡ଼ରେ ଫାଇନାନ୍ସ କର୍ମଚାରୀ ଗୁରୁତର, ଲକ୍ଷାଧିକ ଟଙ୍କା ଲୁଟ୍ 

କେନ୍ଦୁଝର- କେନ୍ଦୁଝର ଜିଲ୍ଲା ଘସିପୁରା ଥାନା ଅନ୍ତର୍ଗତ ଏନ.ଏଚ ୨୦ ପାର୍ଶ୍ୱରେ ଥିବା ନହାଗୁଣା ଗାଁ ନିକଟରେ ଜଣେ ଫାଇନାନ୍ସ ସଂସ୍ଥାର କର୍ମଚାରୀଙ୍କୁ ଛୁରୀରେ ଆକ୍ରମଣ କରି ଲକ୍ଷାଧିକ ଟଙ୍କା ଲୁଟି ନେଇ ଫେରାର୍ ହୋଇଯାଇଛନ୍ତି ଦୃର୍ବୃତ  ।

ଖବର ଅନୁଯାୟୀ, ଗୁରୁତର ଥିବା କର୍ମଚାରୀ ଜଣକ ଭାରତ ଫାଇନାନ୍ସର ନିଶାକର ମଲ୍ଲିକ ବୋଲି ଜଣାପଡିଛି । ନିଶାକରଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଆନନ୍ଦପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଛି । ନିଶାକର ଆଜି ସ୍ଥାନୀୟ ବିଭିନ୍ନ ସ୍ବୟଂ ସହାୟିକା ଗୋଷ୍ଠୀଙ୍କୁ ଦିଆଯାଇଥିବା ଋଣର କିସ୍ତି ଟଙ୍କାଙ୍କୁ ଆଦାୟ କରି ଦିନ ୧୨ଟା ସମୟରେ ଫେରୁଥିବା ବେଳେ ବାଟରେ ତାଙ୍କୁ ଦୁଇ ଜଣ ଦୁର୍ବୁତ୍ତ ଏକ ପଲସର ଯୋଗେ ଆସି ଛୁରାମାଡ କରି ଲକ୍ଷାଧିକ ଟଙ୍କା ଲୁଟିନେଇଛନ୍ତି । ଖବର ପାଇ ଘସିପୁରା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଚିକିତ୍ସା ପରେ ନିଶାକରଙ୍କ ସ୍ବାସ୍ଥ୍ୟ ଅବସ୍ଥା ଭଲ ଥିବା ସ୍ବାସ୍ଥ୍ୟକେନ୍ଦ୍ର ପକ୍ଷରୁ ସୂଚନା ମିଳିଛି ।