ଭୁବନେଶ୍ୱର– ସାବିତ୍ରୀ ବାଈ ଫୁଲେଙ୍କ ସ୍ମୃତିଚାରଣ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଏକ୍ସ ହ୍ୟାଣ୍ଡେଲରେ କେନ୍ଦ୍ରମନ୍ତ୍ରୀ କହିଛନ୍ତି ଯେ, ମହାନ ସମାଜ ସଂସ୍କାରକ, ଭାରତର ପ୍ରଥମ ମହିଳା ଶିକ୍ଷୟିତ୍ରୀ ସାବିତ୍ରୀ ବାଈ ଫୁଲେଙ୍କ ଜୟନ୍ତୀ ଅବସରରେ ତାଙ୍କୁ କୋଟି କୋଟି ପ୍ରଣାମ କରୁଛି ।
ସେ ନାରୀ ଶିକ୍ଷାର ଗୁରୁତ୍ୱକୁ ବୁଝି ସାମାଜିକ କୁପ୍ରଥା ବିରୁଦ୍ଧରେ ସ୍ୱର ଉଠାଇଥିଲେ ଏବଂ ଅଜ୍ଞାନର ଅନ୍ଧକାର ଦୂର କରିବା ପାଇଁ ନିଜ ପୂରା ଜୀବନ ସମର୍ପିତ କରିଦେଇଥିଲେ । ସାବିତ୍ରୀ ବାଇ ଫୁଲେ କେବଳ ଶିକ୍ଷା ମାଧ୍ୟମରେ ମହିଳାଙ୍କୁ ସଶକ୍ତ କରିନଥିଲେ ବରଂ ସମାଜରେ ଥିବା ଭେଦଭାବ ଓ ଅସମାନତାକୁ ଦୂର କରିବା ପାଇଁ ସଂଘର୍ଷ କରିଥିଲେ । ନାରୀ ଶିକ୍ଷା ଓ ସମାଜ ସୁଧାର କ୍ଷେତ୍ରରେ ତାଙ୍କର ଅମୂଲ୍ୟ ଯୋଗଦାନ ଯୁଗ ଯୁଗ ଯାଏ ଆମ ସମସ୍ତଙ୍କୁ ପ୍ରେରଣା ଦେଉଥିବ ।
