ପୁରୀ– ମୁକୁଳା ଡ୍ରେନ୍ ନେଲା ଜୀବନ । ପୁରୀ କୁମ୍ଭାରପଡ଼ା ଥାନା ଅନ୍ତର୍ଗତ ଗଜପତି ନଗରରେ ଘଟିଯାଇଛି ଏଭଳି ଏକ ଅଭାବନୀୟ ଘଟଣା । ଡ୍ରେନ୍ ରେ ସ୍ଲାପ୍ ପଡିନଥିବାରୁ ଏଭଳି ଅଘଟଣ ଘଟିଥିବା ସାଧାରଣରେ ଅଭିଯୋଗ ହେଉଛି । ମୃତକ ଜଣକ ହେଉଛନ୍ତି ପୁରୀ ଗଜପତି ନଗରର ପ୍ରଦୀପ୍ତ ଚୌଧୁରୀ ଓରଫ ବାପି । ବାପି ଦୁଗ୍ଧ ବ୍ୟବସାୟ କରନ୍ତି । ଆଜି ସକାଳ ୯ଟା ସମୟରେ ସେ ପରିସ୍ରା କରିବାକୁ ସେଠାକୁ ଯାଇଥିବା ବେଳେ ଅସାବଧାନତାବଶତଃ ମୁକୁଳା ଡ୍ରେନ୍ ମଧ୍ୟକୁ ଖସି ପଡିଥିଲେ । ତାଙ୍କୁ ସେଠାରୁ ଉଦ୍ଧାର କରାଯାଇ ପୁରୀ ମେଡିକାଲରେ ଭର୍ତି କରାଯାଇଥିବା ବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ଘଟଣା ପାଇଁ ପୁରୀ ପୌରସଂସ୍ଥାକୁ ଦାୟୀ କରିଛନ୍ତି ସ୍ଥାନୀୟ ଅଂଚଳବାସୀ ।
