ଚଣ୍ଡିଗଡ– ପଂଜାବରେ ଭାରତ-ପାକିସ୍ତାନ ସୀମାରେ ବିଏସଏଫ ପକ୍ଷରୁ ବଡ କାର୍ଯ୍ୟାନୁଷ୍ଠାନ ନିଆଯାଇ ପାକିସ୍ତାନର 4ଟି ଡ୍ରୋନ ଓ ଏକ କିଲୋଗ୍ରାମ ହେରୋଇନ ଜବତ କରାଯାଇଛି । ବିଏସଏଫ ପକ୍ଷରୁ କୁହାଯାଇଛି ଯେ, ତରନାତାରନ ଓ ଅମୃତସର ଜିଲ୍ଲାରେ ଅଭିଯାନ ସମୟରେ ଚାରୋଟି ଡ୍ରୋନ ଜବତ କରାଯାଇଛି । ଏହି ଡ୍ରୋନରୁ ବିପୁଳ ପରିମାଣର ହେରୋଇନ ଜବତ କରାଯାଇଛି । ଅନ୍ୟପଟେ ଗୁରୁଦାସପୁର ଜିଲ୍ଲାର ସୀମାବର୍ତ୍ତୀ ଅଂଚଳରୁ ଜଣେ ବ୍ୟକ୍ତିଙ୍କୁ ହେରୋଇନ ସହ ଗିରଫ କରାଯାଇଛି । ଏହି ବ୍ୟକ୍ତିଜଣକ ପାକିସ୍ତାନରୁ ଆସିଥିବା ଡ୍ରୋନକୁ ଖସାଇ ଏଥିରୁ ହେରୋଇନ ନେବାକୁ ଆସିଥିଲା । ପୋଲିସ ଘଟଣାର ଛାନଭିନ୍ କରୁଛି ।
