ପାକିସ୍ତାନରୁ ପଂଜାବ ଆସିଥିବା ବୃଦ୍ଧ ନିଖୋଜ, ଅମୃତସରରେ ଆଲର୍ଟ

ଚଣ୍ଡିଗଡ– ପାକିସ୍ତାନରୁ ଶ୍ରଦ୍ଧାଳୁଙ୍କ ସହିତ ଆସିଥିବା ଜଣେ ବୃଦ୍ଧ ଶୁକ୍ରବାର ରାତିରେ ଅମୃତସରରେ ନିଖୋଜ ହୋଇଯାଇଛନ୍ତି । ଏହାପରେ ଅମୃତସରରେ ପୋଲିସ ଆଲର୍ଟ ଜାରି କରିଛି । ପାକିସ୍ତାନରୁ ଆସିଥିବା ସମସ୍ତ ଲୋକଙ୍କୁ ଅମୃତସରରେ ରୋକାଯାଇଛି । ଅଟାରୀ-ୱାଘା ବର୍ଡର ରାସ୍ତାରେ ନଭେମ୍ବର 27ରେ ପାକିସ୍ତାନରର 7ଜଣ ବ୍ୟକ୍ତି ଧାର୍ମିକ ଯାତ୍ରା ପାଇଁ ଭାରତୀୟ ସୀମା ଭିତରକୁ ପ୍ରବେଶ କରିଥିଲେ । ସମସ୍ତ ପାକସ୍ତାନୀ ଯାତ୍ରୀ ଅମୃତସରରେ ବୁଲୁଥିଲେ । ଗତକାଲି ରାତିରେ ଏମାନେ ଦରବାର ସାହିବରେ ମଥା ଟେକିବା ପାଇଁ ଯାଇଥିଲେ, ଯେଉଁଠାରୁ ବୃଦ୍ଧ ଜଣକ ସନ୍ଦିଗ୍ଧ ପରିସ୍ଥିତିରେ ନିଖୋଜ ହୋଇଯାଇଛନ୍ତି । ଏହି ସୂଚନା ମିଳିବା ପରେ ଚାରିଆଡେ ଆଲର୍ଟ ଜାରି କରାଯାଇଛି ।