ମାଲକାନଗିରି– ତାମିଲନାଡୁରେ ଓଡିଆ ସାମ୍ବାଦିକଙ୍କ ଗାଡି ମଙ୍ଗଳବାର ଭୋର ସମୟରେ ଦୁର୍ଘଟଣାଗ୍ରସ୍ତ ହୋଇଛି। ଟ୍ରକ-ବୋଲେରୋ ଧକ୍କା ହୋଇ ଏହି ଦୁର୍ଘଟଣା ଘଟିଛି । ଏଥିରେ ଦୈନିକ ଖବର କାଗଜ ‘ସକାଳ’ର କାଲିମେଳା ବ୍ଲକ ପ୍ରତିନିଧି ସୌରଭ ମଣ୍ଡଳ, ଦୈନିକ ଆଶା ଖବର କାଗଜର କାଲିମେଳା ପ୍ରତିନିଧି ବିଦ୍ୟୁତ ବୈରାଗୀ, ଏମଭି ୭୯ ସମାଜ ପ୍ରତିନିଧି ରାଜେଶ ଓଝା ଓ ପଡିଆ ବ୍ଲକ ସମ୍ବାଦ ଖବରଦାତା ପ୍ରଶାନ୍ତ ସାହୁ ଆହତ ହୋଇଛନ୍ତି । ରାମେଶ୍ବରମ ରାମାପୁରମ ନିକଟରେ ଏହି ଦୁର୍ଘଟଣା ଘଟିଥିବା ଜଣାପଡିଛି। ସମସ୍ତ ଆହତଙ୍କୁ ରାମନାଡ ମେଡିକାଲ କଲେଜରେ ଭର୍ତ୍ତି କରାଯାଇ ଚିକିତ୍ସା କରାଯାଉଛି । ଜଣକର ଅବସ୍ଥା ସାମାନ୍ୟ ଗୁରୁତର ରହିଥିବା ଜଣାପଡିଛି । ସାହାଯ୍ୟ ପାଇଁ ସାମ୍ବାଦିକ ଓ ତାଙ୍କ ପରିବାର ଲୋକେ ଓଡିଶା ସରକାରଙ୍କ ସହଯୋଗ ଲୋଡିଛନ୍ତି। ତାମିଲନାଡୁକୁ ଏହି ସାମ୍ବାଦିକ ମାନେ ରାମେଶ୍ବରମ ଦର୍ଶନ ଲାଗି ସମସ୍ତ ଯାଉଥିଲେ ତେବେ ଏନେଇ ଜିଲ୍ଲାପାଳ ଓ ଜିଲ୍ଲା ପ୍ରଶାସନ ସମ୍ପୂର୍ଣ୍ଣ ରୂପେ ସହଯୋଗ କରିବା ସହ ତାମିଲନାଡୁର ଅଧିକାରୀଙ୍କ ସହ ଆଲୋଚନା କରିଛନ୍ତି।
