ଦେହରାଦୁନ -ବିଶ୍ୱ ପ୍ରସିଦ୍ଧ ତଥା ଏକାଦଶ ଜ୍ୟେତିଲିଙ୍ଗ କେଦାରନାଥ ଧାମଙ୍କ ଦ୍ୱାର ଭେୟାଦୁଜର ପବିତ୍ର ପର୍ବରେ ରବିବାର ସକାଳେ ସାଢେ ଆଠଟା ସମୟରେ ରୀତିନୀତି ଏବଂ ଧାର୍ମିକ ପରମ୍ପରା ସହିତ ଶୀତକାଳୀନ ରୁତୁ ପାଇଁ ବନ୍ଦ ରହିଛି।ଏହି ସମୟ ମଧ୍ୟରେ ସେନାର ଭକ୍ତିମୟ ସ୍ୱର ସହିତ ଭକ୍ତମାନଙ୍କ ଦ୍ୱାରା ଜୟ ବାବା କେଦାର ଏହି କମ୍ପନ ସହିତ ପୁରା ଧାମ ପ୍ରତିଧ୍ୱନିତ ହୋଇଛି।15 ହଜାରରୁ ଅଧିକ ଭକ୍ତ କବାଟ ବନ୍ଦ ହେବାର ସାକ୍ଷୀ ରହିଥିଲେ। ବର୍ତ୍ତମାନ ଆସନ୍ତା ଛଅ ମାସ ପର୍ଯ୍ୟନ୍ତ ଭକ୍ତମାନେ ବାବା କେଦାରଙ୍କ ଶୀତକାଳୀନ ଗଦ୍ଦୀସ୍ଥଳ ଓଁକାରେଶ୍ୱର ମନ୍ଦିର ପରିଦର୍ଶନ କରିପାରିବେ।ରବିବାର ସକାଳ ପାଞ୍ଚଟା ସମୟରେ ବିକେଟୀସୀ ଅଧକ୍ଷ ଅଜୟ ଅଜେନ୍ଦ୍ରଙ୍କ ଉପସ୍ଥିତିରେ କବାଟ ବନ୍ଦ କରବାର ପ୍ରକ୍ରିୟା ଆରମ୍ଭ ହୋଇଥିଲା। ବିକେଟୀସୀର ଆଚାର୍ଯ୍ୟ ,ବେଦପାଠୀ ପୁରୋହିତମାନେ ଭଗବାନ କେଦାରନାଥଙ୍କ ସ୍ୱୟମ୍ଭୁ ଶିବଲିଙ୍ଗର ସମାଧି ପୁଜା କରିଥିଲେ।
ସ୍ୱୟମ୍ଭୁ ଶିବଲିଙ୍ଗକୁ ଭସ୍ମ ,ସ୍ଥାନୀୟ ଫୁଲ,ବେଲପତ୍ର ଆଦିରେ ସମାଧି ରୁପ ଦିଆଯାଇଥିଲା।ସକାଳ 8ଟା 30 ସମୟରେ ବାବା କେଦାର ନାଥଙ୍କ ପଞ୍ଚମୁଖୀ ଉତ୍ସବ ଡୋଲି ମନ୍ଦିରରୁ ଅଣାଯାଇ କେଦାରନାଥ ମନ୍ଦିରର କବାଟ ବନ୍ଦ କରାଯାଇଥିଲା।ଏହି ବିଶେଷ ଉତ୍ସବ ପାଇଁ ଦୀପାବଳୀ ଦିନ ଠାରୁ ଫୁଲରେ ମନ୍ଦିରର ସାଜ୍ଜସଜ୍ଜା କରାଯାଇଥିଲା।କବାଟ ବନ୍ଦ ହେବା ମାତ୍ରେ ବାବା କେଦାରଙ୍କ ପଞ୍ଚମୁଖୀ ଉତ୍ସବ ଡୋଲି ଏହାର ପ୍ରଥମ ଷ୍ଟପ ରାମପୁର ଅଭିମୁଖେ ଯାତ୍ରା କରିଥିଲା।ହଜାର ହଜାର ଭକ୍ତ ବାବାଙ୍କ ପଞ୍ଚମୁଖୀ ଡୋଲୀ ସହିତ ପାଦରେ ଚାଲି ଯାଇଥିଲେ।ଭକ୍ତମାନଙ୍କ ପାଇଁ ବିଭିନ୍ନ ସ୍ଥାନରେ ଭଣ୍ଡାର ଆୟୋଜନ କରାଯାଇଥିଲା।ଆଜି କେଦାରନାଥରେ ପାଗ ସଫା ରହିଥିଲା।ଚତୁର୍ଦ୍ଦିଗରେ ବରଫ ହେତୁ ଶୀତଳ ପବନ ପ୍ରବାହିତ ହେଉଥିଲା,କିନ୍ତୁ ଭକ୍ତଙ୍କ ମଧ୍ୟରେ ବହୁତ ଉତ୍ସାହ ଥିଲା।
