ବୌଦ୍ଧ– ଭାରସାମ୍ୟ ହରାଇ ଗଛରେ ପିଟି ହେଲା କାର୍ । ଫଳରେ ଚାରି ଜଣ ଯୁବକ ଗୁରୁତର ହୋଇଛନ୍ତି । ଜଣେ ଗୁରୁତରଙ୍କୁ ପ୍ରଥମେ ପୁରୁଣାକଟକ ସ୍ୱାସ୍ଥ୍ୟକେନ୍ଦ୍ର ଓ ପରେ ବୌଦ୍ଧ ମୁଖ୍ୟ ସ୍ୱାସ୍ଥ୍ୟକେନ୍ଦ୍ରକୁ ସ୍ଥାନାନ୍ତରିତ କରାଯାଇଛି । ସମସ୍ତ ଚାରି ଯୁବକ ହେଲେ ବୌଦ୍ଧ ସହରର ଶିଭମ ଅଗ୍ରୱାଲ, କ୍ରିସ୍ ଅଗ୍ରୱାଲ, ଧ୍ରୁବ ସାହୁ ଏବଂ ରୋହିତ ସାହୁ । ବୌଦ୍ଧ କନ୍ଧମାଳ ସୀମାନ୍ତ ଘୋଡାଡିଆଁ ନିକଟରେ ଦୁର୍ଘଟଣାଟି ଘଟିଥିବା ବେଳେ ଗାଡିଟି ବୌଦ୍ଧରୁ ଫୁଲବାଣୀ ଅଭିମୁଖେ ଯାଉଥିଲା ।
ସୂଚନା ମୁତାବକ, ବୌଦ୍ଧ ସହରର ଚାରି ଜଣ ଯୁବକ ଗତକାଲି ରାତିରେ ବୌଦ୍ଧରୁ ଫୁଲବାଣୀ ଅଭିମୁଖେ ବାହାରିଥିବା ବେଳେ ପୁରୁଣାକଟକ ଥାନା ଅନ୍ତର୍ଗତ ଘୋଡାଡିଆଁ ନିକଟରେ ଭାରସାମ୍ୟ ହରାଇ କାର୍ ଟି ରାସ୍ତା କଡରେ ଥିବା ଗଛକୁ ଧକ୍କା ଦେଇଥିଲା । ଫଳରେ ୪ ଜଣ ଯୁବକ ଗୁରୁତର ହୋଇଥିଲେ । ପରେ ଆମ୍ବୁଲାନ୍ସ ଯୋଗେ ଯୁବକମାନଙ୍କୁ ବୌଦ୍ଧ ମୁଖ୍ୟ ଚିକିତ୍ସାଳୟରେ ଭର୍ତି କରାଯାଇଥିଲା । ଯୁବକ ମାନଙ୍କ ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ଭୁବନେଶ୍ୱର, ବରଗଡ, ବୁର୍ଲାକୁ ସ୍ଥାନାନ୍ତର କରାଯାଇଛି । ଘଟଣାସ୍ଥଳରେ ପୁରୁଣାକଟକ ପୋଲିସ ପହଂଚି ତଦନ୍ତ ଆରମ୍ଭ କରିଛି ।
