ନୂଆଦିଲ୍ଲୀ– ଜାମିଆ ମିଲ୍ଲିୟା ଇସଲାମିଆ ପରିସରରେ ମଙ୍ଗଳବାର ଦିପାବଳୀ ଆୟୋଜନ ସମୟରେ ଦୁଇ ଛାତ୍ର ଗୋଷ୍ଠୀଙ୍କ ମଧ୍ୟରେ ହଙ୍ଗାମା ହୋଇଛି । ଗୋଟିଏ ପକ୍ଷ ଦିପାବଳୀର କାର୍ଯ୍ୟକ୍ରମକୁ ରୋକି ପାଲେଷ୍ଟାଇନ ଜିନ୍ଦାବାନ୍ଦ ନାରା ଦେଇଥିଲେ । ଦୀପ ଲିଭାଇବା ସହ ନାରା ଦେବା ପରେ ହଙ୍ଗାମା ହୋଇଥିଲା । ଏହାପରେ ଦୁଇଗୋଷ୍ଠୀ ମୁହାଁମୁହିଁ ହୋଇଥିଲେ । ଦୀପାବଳୀ କାର୍ଯ୍ୟକ୍ରମ ଆୟୋଜନ କରୁଥିବା ଛାତ୍ରମାନେ ଅଭିଯୋଗ କରିଛନ୍ତି ଯେ, ଅପର ପକ୍ଷ ରଙ୍ଗୋଲି ହଟାଇବା ସହ ଦୀପ ଲିଭାଇଥିଲେ । ଏହାକୁ ନେଇ ଜାମିଆ ପରିସରରେ ପ୍ରାୟ ଅଧଘଂଟା ଧରି ହଙ୍ଗାମା ହୋଇଥିଲା । ଏହାର ଏକ ଭିଡିଓ ବିଳମ୍ବିତ ରାତିରେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
