ବଲାଙ୍ଗିର– ମା ଦଶମତି ଯୁବଗୋଷ୍ଠି ଓ ସାଂକୃତିକ କଲାପରିଷଦ ପକ୍ଷରୁ ରବିବାର ଆଗଲପୁର ବ୍ଲକ କଣ୍ଟାପାଲିରେ ନୂଆଖାଇ ଭେଟ ଘାଟ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା | ଏହି କାର୍ଯ୍ୟକ୍ରମରେ ଆଇନ ବିଶାରଦ ଜୟରାମ ମିଶ୍ର ମୁଖ୍ୟ ଅତିଥି ଓ ଶିଶୁ ସୁରକ୍ଷା ୟୁନିଟ ର ଜିଲ୍ଲା ପରାମର୍ଶଦାତା ପ୍ରମୋଦ ବଗର୍ତି ଓ ସନାତନ ବେହେରା ସମ୍ମାନିତ ଅତିଥିଭାବରେ ଯୋଗଦେଇଥିଲେ | ଅଧ୍ୟାପିକା କଲ୍ୟାଣୀ ମିଶ୍ର ମୁଖ୍ୟବକ୍ତା ହୋଇଥିଲେ ଓ ମଦ ବିରୋଧରେ ଏକ ସୁନ୍ଦର ଉପସ୍ଥାପନା କରିଥିଲେ | ଅନ୍ୟ ମାନଙ୍କ ମଧ୍ୟରେ ପୂର୍ବତନ ଗ୍ରାମ୍ୟ ସଭାପତି ନୀଳମଣି ପଧାନ,ବେଣୁଧର ନାଏକ, ରାଜକୁମାର ସାହୁ, ରାଧେଶ୍ୟାମ ସାହୁ, ବୃଷଭ ପଧାନ ପ୍ରମୁଖ ଯୋଗଦେଇଥିଲେ | ଡାଲଖାଇ, ରସରକେଳି, ମାଇଲାଜଡ଼ ନୃତ୍ୟରେ ମଞ୍ଚ ଦୁଲୁକିଥିଲା | କୁନି କୁନି କଳାକାର ମାନେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ |
ଏହି ଅବସରରେ ମିଉଜିକ ଚେୟାର, ଲଡ଼ୁଖିଆ, ଜିକେ ଭଲି ପ୍ରତିଯୋଗିତା ମୂଳକ କାର୍ଯ୍ୟକ୍ରମ ହୋଇଥିଲା | କୃତି ପ୍ରତିଯୋଗୀଙ୍କୁ ଅତିଥିଙ୍କ ଦ୍ୱାରା ପୁରସ୍କୃତ କରାଯାଇଥିଲା | ସନ୍ତୋଷ ବିଶି ମଞ୍ଚ ପରିଚାଳନା କରିଥିବାବେଳେ ଜିତୁ ସାହୁ ସହଯୋଗ କରିଥିଲେ | ମା ଦଶମତି ଯୁବ ଗୋଷ୍ଠୀର କୈଳାଶ ପଧାନ, ମିଳୁ ସାହୁ ଜିଲୁ ସାହୁ, ରଜତ ବିଶ୍ୱାଳ, ବଳୁ ପଧାନ, ନୀଳମାଧଵ ସାହୁ ବିଦ୍ୟାଧର ନାଏକ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ |
