କାଠମାଣ୍ଡୁ– ନେପାଳ ସରକାର ବନ୍ୟା ପ୍ରଭାବିତ 12 ଜିଲ୍ଲାକୁ ବିପର୍ଯ୍ୟୟ ଘୋଷଣା କରିଛନ୍ତି। ଆଜି ସକାଳେ ସିଂହଦରବାରରେ ହୋଇଥିବା କ୍ୟାବିନେଟ ବୈଠକରେ ସରକାର ଏହା ଘୋଷଣା କରିଛନ୍ତି। ଏହି ଜିଲ୍ଲାଗୁଡିକର ପ୍ରାଥମିକତା ଆଧାରରେ ପୁନଃନିର୍ମାଣ ହେବ। କ୍ୟାବିନେଟରେ ଜାତୀୟ ବିପର୍ଯ୍ୟୟ ବିପଦ ହ୍ରାସ ଏବଂ ପରିଚାଳନା ପ୍ରାଧିକରଣ କାର୍ଯ୍ୟକାରୀ କମିଟି ସୁପାରିସ ଆଧାରରେ ଏହି ଜିଲ୍ଲାଗୁଡିକୁ ଆସନ୍ତା ତିନି ମାସ ପାଇଁ ବିପର୍ଯ୍ୟୟ ପ୍ରଭାବିତ ବୋଲି ଘୋଷଣା କରିଛନ୍ତି । କ୍ୟାବିନେଟ ବୈଠକ ପରେ ଗୃହମନ୍ତ୍ରୀ ରମେଶ ଲେଖକ କହିଛନ୍ତି ଯେ ଏହି ଜିଲ୍ଲାରେ ତାଳ୍ପେଜୁଡ, ପାଞ୍ଚଥର, ସଂଖୁୱାସଭା ,କାଭ୍ରେ, ଲଳିତପୁର, ସୋଲୁଖୁମ୍ବୁ, ଦେଲଖା, ସିନ୍ଧୁଲି, ରାମେଛାପ,ମକୱାନପୁର,ସିନ୍ଧୁପାଳ୍ଚୋକ ଏବଂ ଧଦିଡ ଅନ୍ତର୍ଭୁକ୍ତ। ସେ କହିଛନ୍ତି ଯେ ବର୍ତ୍ତମାନ ଏହି ଜିଲ୍ଲାଗୁଡିକରେ ରିଲିଫ ଏବଂ ପୁନନିର୍ମାଣ ପାଇଁ ସମସ୍ତ କ୍ଷମତା କେନ୍ଦ୍ର ସରକାରଙ୍କ ପାଖରେ ରହିବ। ରାଜ୍ୟ ସରକାର ଏବଂ ସ୍ଥାନୀୟ ସରକାରଙ୍କୁ କେନ୍ଦ୍ର ସରକାରଙ୍କ ନିଷ୍ପତ୍ତି ଅନୁଯାୟୀ କାର୍ଯ୍ୟ କରିବାକୁ ପଡିବ। ସୁଚନାଯୋଗ୍ୟ ଯେ 27 ଏବଂ 28 ସେପ୍ଟେମ୍ବରରେ କ୍ରମାଗତ ବର୍ଷା ସହିତ ଆସିଥିବା ବନ୍ୟା ଏବଂ ଭୁସ୍ଗଳନ ଯୋଗୁଁ 250 ଜଣଙ୍କର ମୃତ୍ୟୁ ଘଟିଛି। ଏହି ସମୟ ମଧ୍ୟରେ 169 ଜଣ ଆହତ ହୋଇଥିଲେ। ଗୃହ ମନ୍ତ୍ରାଳୟ ଅନୁଯାୟୀ 18 ଜଣ ଏ ପର୍ଯ୍ୟନ୍ତ ନିଖୋଜ ଅଛନ୍ତି। ବନ୍ୟା ଯୋଗୁଁ ଦେଶର ଅନେକ ରାସ୍ତା ଅବରୋଧ କରାଯାଇଛି।
