କୋଲକାତା-ସଡକ ଦୁର୍ଘଟଣାରେ ଜଣେ ଯୁବକଙ୍କ ମୃତ୍ୟୁକୁ ନେଇ ଧାରଣାରେ ବସିଥିବା ଭାଜପା ନେତା ରୂପା ଗାଙ୍ଗୁଲିଙ୍କୁ ଗୁରୁବାର ସକାଳେ ଗିରଫ କରାଯାଇଛି। ରାତିସାରା ବାଂସଦ୍ରୋଣୀ ଥାନାରେ ଧାରଣା ଦେବା ପରେ ,ତାଙ୍କୁ ଥାନାରୁ ଲାଲବାଜାର ନିଆଯାଇଛି । ପୋଲିସ ସକାଳ ପ୍ରାୟ ଦଶଟା ସମୟରେ ରୂପାଙ୍କୁ ତାଙ୍କ ଗିରଫଦାରି ନେଇା ସୁଚନା ଦେବା ପରେ ତାଙ୍କୁ ଏକ ଲାଲ ରଙ୍ଗର ପୋଲିସ ଭ୍ୟାନରେ ନିଆଯାଇଛି । ରୂପା ଗାଙ୍ଗୁଲି ବୁଧବାର ରାତିରୁ ବାଂସଦ୍ରୋଣୀ ଥାନାରେ ଜଣେ ଛାତ୍ରଙ୍କର ଡମ୍ପର ତଳେ ଚାପି ହୋଇ ମୃତ୍ୟୁ ଘଟଣାରେ ଅଭିଯୁକ୍ତଙ୍କୁ ଗିରଫ ଦାବି କରି ଧାରଣାରେ ବସିଥିଲେ। ସେ କହିଥିଲେ ଯେ ପର୍ଯ୍ୟନ୍ତ ଅଭିଯୁକ୍ତଙ୍କୁ ଗିରଫ କରାଯାଇନାହିଁ, ସେ ପର୍ଯ୍ୟନ୍ତ ସେ ଥାନାରେ ରହିବେ। ଗୁରୁବାର ସକାଳେ ମଧ୍ୟ ସେ ଥାନା ପରିସରରେ ବସି ପୋଲିସ ଉପରେ ନିଜର କ୍ରୋଧ ପ୍ରକାଶ କରିଥିଲେ।
