ନୂଆଦିଲ୍ଲୀ– ଫିଲ୍ମ ଅଭିନେତା ମିଥୁନ ଚକ୍ରବର୍ତ୍ତୀଙ୍କୁ ଦାଦା ସାହେବ ଫାଲକେ ପୁରସ୍କାରରେ ସମ୍ମାନିତ କରାଯିବ। ଏହି ସମ୍ମାନ ତାଙ୍କୁ ଅକ୍ଟୋବର ୮ରେ 70 ତମ ଜାତୀୟ ଫିଲ୍ମ ସମାରୋହରେ ପ୍ରଦାନ କରାଯିବ। ସୋମବାର ଦିନ କେନ୍ଦ୍ର ସୂଚନା ଏବଂ ପ୍ରସାରଣ ମନ୍ତ୍ରୀ ଅଶ୍ୱିନୀ ବୈଷ୍ଣବ ସୋସିଆଲ ମିଡିଆରେ ସୂଚନା ଦେଇ ଘୋଷଣା କରିଛନ୍ତି ମିଥୁନ ଚକ୍ରବର୍ତ୍ତୀଙ୍କୁ ଭାରତୀୟ ଚଳଚ୍ଚିତ୍ରରେ ତାଙ୍କର ଅବଦାନ ପାଇଁ ଦାଦା ସାହେବ ଫାଲକେ ଚୟନ କମିଟି ତାଙ୍କୁ ଏହି ପୁରସ୍କାର ଦେବାକୁ ନିଷ୍ପତ୍ତି ନେଇଛନ୍ତି। ମିଥୁନ ଦାଙ୍କର ଉଲ୍ଲେଖନୀୟ ସିନେମା ଯାତ୍ରା ପିଢୀଙ୍କୁ ପ୍ରେରଣା ଯୋଗାଇଥାଏ । ତାଙ୍କୁ 8 ଅକ୍ଟୋବର 2024 ରେ ଅନୁଷ୍ଠିତ ହେବାକୁ ଥିବା 70 ତମ ଜାତୀୟ ଚଳଚ୍ଚିତ୍ର ପୁରସ୍କାର ଉତ୍ସବରେ ଏହି ସମ୍ମାନ ପ୍ରଦାନ କରାଯିବ।
