ଭୁବନେଶ୍ୱର– ଆଉଟସୋର୍ସିଂ କର୍ମଚାରୀଙ୍କୁ ନେଇ ଚାଲିଛି କ୍ୟାପିଟାଲ ହସ୍ପିଟାଲରେ ସେବା । ଏନେଇ କ୍ୟାପିଟାଲ ହସ୍ପିଟାଲର ନିର୍ଦ୍ଦେଶକ ଦିଲ୍ଲୀପ ପଣ୍ଡା ସୂଚନା ଦେଇଛନ୍ତି । ଗୋଟିଏ ପଟେ ଓଡିଶା ନର୍ସିଂ କର୍ମଚାରୀ ସଂଘଙ୍କ ଆନ୍ଦୋଳନ ଜାରି ରହିଛି । କ୍ୟାପିଟାଲ ହସ୍ପିଟାଲ ପରିସରରେ ନର୍ସ ମାନେ କାର୍ଯ୍ୟ ବନ୍ଦ ଡାକରା ଦେଇଛନ୍ତି । ଅନ୍ୟପଟେ 50ଜଣ ଆଉଟ ସୋର୍ସିଂ କର୍ମଚାରୀଙ୍କୁ ନେଇ ୱାର୍ଡ ଡ୍ୟୁଟି ଓ ଏମରଜେନ୍ସି ସେବା ଚାଲିଛି । କୌଣସି ସେବାରେ ବ୍ୟାହତ ହୋଇନାହିଁ। ଯେଉଁମାନେ ନର୍ସିଂ ଛାତ୍ର ଛାତ୍ରୀ ଅଛନ୍ତି ସେମାନଙ୍କୁ ନେଇ କାମ ଚାଲିଛି। କୌଣସି ଅସୁବିଧା ନାହିଁ ବୋଲି ପ୍ରତିକ୍ରିୟା ରଖିଛନ୍ତି କ୍ୟାପିଟାଲ ହସ୍ପିଟାଲର ନିର୍ଦେଶକ ଦିଲୀପ ପଣ୍ଡା।
