ବେରୁତ– ଲେବାନନରେ ଇରାନ ସମର୍ଥିତ ଦୁର୍ଦ୍ଦାନ୍ତ ଆତଙ୍କବାଦୀ ଗୋଷ୍ଠୀ ହିଜବୁଲ୍ଲାହ ଉପରେ 2006 ପରେ ଇସ୍ରାଏଲର ଏହା ସବୁଠୁ ବଡ ଆକାଶମାର୍ଗରେ ଆକ୍ରମଣ ଅଟେ । ଇସ୍ରାଏଲର ଯୁଦ୍ଧ ବିମାନ ଏବେ ବି ଦକ୍ଷିଣ ଲେବାନନରେ ବୋମା ବର୍ଷଣ କରୁଛି । ଇସ୍ରାଏଲର ଏୟାର ଷ୍ଟ୍ରାଇକରେ ଅତିକମରେ 5ଶହ ଲୋକଙ୍କ ମୃତ୍ୟୁ ହୋଇଥିବା ବେଳେ 1600 ଜଣରୁ ଅଧିକ ଲୋକ ଆହତ ହୋଇଛନ୍ତି । ଗାଜାର ଯୁଦ୍ଧରେ ହିଜବୁଲ୍ଲାହର ଆତଙ୍କବାଦୀ ହମାସର ସାଥ ଦେଉଛନ୍ତି । ଦ ନ୍ୟୁୟର୍କ ଟାଇମ୍ସର ଖବରରେ ଲେବାନନର ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ କୁହାଯାଇଛି ଯେ, ଲେବାନନରେ ହିଜବୁଲ୍ଲାହ ବିରୁଦ୍ଧରେ ଇସ୍ରାଏଲ ଆକାଶମାର୍ଗରେ ମହିଳା, ଶିଶୁଙ୍କ ସମେତ ପ୍ରାୟ 5ଶହ ଲୋକଙ୍କ ମୃତ୍ୟୁ ହୋଇଛି ।
