ଭୁବନେଶ୍ୱର– ମୋ ଜୀବନ ମୋ ସମୟପୁସ୍ତକର ଲୋକାର୍ପଣ ଉତ୍ସବରେ ସାମିଲ ହୋଇଛନ୍ତି ବିରୋଧୀ ଦଳ ନେତା ନବୀନ ପଟ୍ଟନାୟକ । ଏନେଇ ସୋସିଆଲ ମିଡିଆ ଏକ୍ସରେ ନବୀନ କହିଛନ୍ତି ଯେ, ମୋ ଜୀବନ ମୋ ସମୟପୁସ୍ତକର ଲୋକାର୍ପଣ ଉତ୍ସବରେ ସାମିଲ ହେଲି। ସାମ୍ବାଦିକତାରୁ ରାଜନେତା ଭାବେ ନିଜ ଜୀବନର ଅନେକ ଘଟଣା ଏବଂ ସମାଜର ବିଭିନ୍ନ ପ୍ରତିଛବିକୁ ଦଳର ବରିଷ୍ଠ ନେତା ଅତନୁ ବାବୁ ଖୁବ ସୁନ୍ଦର ଭାବେ ନିଜର ଏହି ପୁସ୍ତକରେ ଦର୍ଶାଇଛନ୍ତି। ରାଜ୍ୟର ସାମଗ୍ରିକ ବିକାଶ ଦିଗରେ ଆବଶ୍ୟକ ଥିବା ପ୍ରତିବଦ୍ଧତା ଏବଂ ସମର୍ପଣ ଭାବ ବିଷୟରେ ପୁସ୍ତକଟି ପାଠକମାନଙ୍କୁ ନିଶ୍ଚୟ ଜାଗ୍ରତ କରିବ। ପୁସ୍ତକଟି ଆଗାମୀ ପୀଢ଼ି ବିଶେଷ କରି ଓଡ଼ିଶାର ରାଜନୀତିରେ ରୁଚି ରଖୁଥିବା ଯୁବଗୋଷ୍ଠୀଙ୍କ ପାଇଁ ପଥପ୍ରଦର୍ଶକ ସାଜିବ। ‘ମୋ ଜୀବନ ମୋ ସମୟ’ ପୁସ୍ତକଟିର ପାଠକ ଆଦୃତି ଏବଂ ଅତନୁ ବାବୁଙ୍କ ଆହୁରି ସଫଳତା କାମନା କରୁଛି।
