ଇସଲମାବାଦ– ପାକିସ୍ତାନର ଖୈବର ପଖ୍ତୁନଖ୍ୱା ଅଂଚଳରେ ପ୍ରତିବନ୍ଧିତ ଆତଙ୍କବାଦୀ ସଙ୍ଗଠନ ତେହରିକ-ଏ-ତାଲିବାନ ଆକ୍ରମଣରେ ଅତି କମରେ 8ଜଣ ସୁରକ୍ଷାକର୍ମୀଙ୍କ ମୃତ୍ୟୁ ହୋଇଛି । ସେନା ପକ୍ଷରୁ ଏନେଇ ସୂଚନା ମିଳିଛି । ଏହି ଆକ୍ରମଣ ସମୟରେ ସୁରକ୍ଷାକର୍ମୀମାନେ ଗୁଳି ଚଳାଇବାରୁ ଅନେକ ଆତଙ୍କବାଦୀ ନିହତ ହୋଇଥିବାର ମଧ୍ୟ ସୂଚନା ମିଳିଛି । ଡନ୍ ଖବର କାଗଜ ମୁତାବକ ଦକ୍ଷିଣ ୱଜିରିସ୍ଥାନର ଲାଧା ଅଂଚଳରେ ଆତଙ୍କବାଦୀମାନେ ସୁରକ୍ଷାବଳର ଏକ ଚେକପୋଷ୍ଟକୁ ଟାର୍ଗେଟ କରିଥିଲେ । ଏହି ଭୟାବହ ଗୁଳିକାଣ୍ଡରେ 6 ସୁରକ୍ଷାକର୍ମୀ ଓ 5 ଆତଙ୍କବାଦୀ ନିହତ ହୋଇଥିଲେ । ଏହାପୂର୍ବରୁ ଗୁରୁବାର 7ଜଣ ଆତଙ୍କବାଦୀ ଉତର ବଜିରିସ୍ଥାନ ଜିଲ୍ଲାର ସ୍ପିନୱାମ ଅଂଚଳରେ ପାକିସ୍ତାନ-ଆଫଗାନିସ୍ତାନ ସୀମାରେ ଅନୁପ୍ରବେଶ କରିବାକୁ ଉଦ୍ୟମ କରିଥିଲେ । ଏମାନଙ୍କୁ ସୁରକ୍ଷାକର୍ମୀମାନେ ନିହତ କରିଥିଲେ ।
