ନୂଆଦିଲ୍ଲୀ– ଆଜି ହେଉଛି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜନ୍ମଦିନ । ଏହି ଅବସରରେ ତାଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସୋସିଆଲ ମିଡିଆ ଏକ୍ସରେ କେନ୍ଦ୍ରମନ୍ତ୍ରୀ କହିଛନ୍ତି ଯେ, ବିଶ୍ୱର ସର୍ବାଧିକ ଲୋକପ୍ରିୟ ରାଜନେତା ତଥା ଦେଶର ଯଶସ୍ୱୀ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦିଙ୍କୁ ଜନ୍ମଦିନର ମଙ୍ଗଳ ଶୁଭକାମନା । ଆଦରଣୀୟ ପ୍ରଧାନମନ୍ତ୍ରୀ ନିଜ ଦେଶ ସେବା, ଲୋକକଲ୍ୟାଣ ଓ ଗରିବ କଲ୍ୟାଣ ପ୍ରତି ସମର୍ପିତ ନୀତି ଓ ପରିଶ୍ରମର ପରାକାଷ୍ଠାରେ ଦେଶର ଗରିବ, ଶୋଷିତ, ବଂଚିତ, ଦଳିତ ଏବଂ ପୀଡିତ ପରିବାରଙ୍କୁ ସମ୍ମାନପୂର୍ବକ ସ୍ୱାଭିମାନୀ ଜୀବନ ସୁନିଶ୍ଚିତ କରିଛନ୍ତି । ଆପଣ ଆପଣଙ୍କର ଦୃଢ ଇଚ୍ଛାଶକ୍ତି ଏବଂ ସାହସିକ ନେତୃତ୍ୱରେ ବିଶ୍ୱ ପଟଳରେ ଭାରତ ମାତାର ମାନ ବଢାଇଛନ୍ତି । ବିକଶିତ ଭାରତର ଆପଣଙ୍କ ସଂକଳ୍ପକୁ ସାକାର କରିବାରେ ନିଜର ସହଯୋଗ ଦେବା ଆମ ସମସ୍ତ କାର୍ଯ୍ୟକର୍ତ୍ତାଙ୍କ ପାଇଁ ବହୁତ ସୌଭାଗ୍ୟର ବିଷୟ ଅଟେ । ମହାପ୍ରଭୁ ଜଗନ୍ନାଥ ଆପଣଙ୍କ ଦୀର୍ଘାୟୁ ଏବଂ ଉତ୍ତମ ସ୍ୱାସ୍ଥ୍ୟ ପ୍ରଦାନ କରନ୍ତୁ ଏବଂ ଆପଣଙ୍କ ଯଶସ୍ୱୀ ନେତୃତ୍ୱ ଓ ମାର୍ଗଦର୍ଶନ ଆମ ସମସ୍ତଙ୍କୁ ନିରନ୍ତର ପ୍ରାପ୍ତ ହେଉ, ଏହାହିଁ ପ୍ରାର୍ଥନା କରୁଛି ।
