ଭୁବନେଶ୍ୱର– ଗଣେଶ ବିସର୍ଜନ ବେଳେ ଗୋଷ୍ଠୀ ସଂଘର୍ଷ । ଗତକାଲି ରାତିରେ ସହିଦନଗର ଥାନା ଅଧୀନରେ ଗୋଷ୍ଠୀ ସଂଘର୍ଷ ହୋଇଛି । ଗୋଷ୍ଠି ସଂଘର୍ଷରେ ଏକାଧିକ ଯୁବକ ଆହତ ହୋଇଛନ୍ତି । ଶୁକ୍ରବାର ରାତିରେ କୁଆଖାଇରେ ଗଣେଶ ବିସର୍ଜନ ଚାଲିଥିଲା । ସେଠାରେ ଦୁଇ ଯୁବଗୋଷ୍ଠୀଙ୍କ ମଧ୍ୟରେ କୌଣସି କଥାକୁ ନେଇ ଉଚ୍ଚବାଚ୍ଚ ହୋଇଥିଲା । ଗୋଟିଏ ଗୋଷ୍ଠିର ଯୁବକ ମାନେ ଅନ୍ୟ ଯୁବକ ମାନଙ୍କୁ ସହିଦନଗର ଥାନା ଠାରୁ ଅଳ୍ପ ଦୂରରେ ଗୋଡେଇ ଗୋଡେଇ ଆକ୍ରମଣ କରିଥିଲେ । ଆକ୍ରମଣରେ ଗୁରୁତର ଆହତ 4 ଜଣ ଯୁବକଙ୍କୁ ପୋଲିସ କ୍ୟାପିଟାଲ ହସ୍ପିଟାଲରେ ଭର୍ତି କରିଛି ।
