ଭୁବନେଶ୍ୱର– ଶଙ୍ଖ ଭବନରେ ବିଜୁ ମହିଳା ଜନତା ଦଳର ସାଙ୍ଗଠନିକ କର୍ମକର୍ତ୍ତା ସମ୍ମିଳନୀ। ବିଜୁ ମହିଳା ଜନତା ଦଳର ବରିଷ୍ଠ ନେତ୍ରୀଙ୍କ ସମେତ ସାଙ୍ଗଠନିକ ଦାୟିତ୍ୱରେ ଥିବା କର୍ମକର୍ତ୍ତାମାନେ ଏହି ସମ୍ମିଳନୀରେ ଯୋଗ ଦେଇଛନ୍ତି । ବିଭିନ୍ନ ଜିଲ୍ଲା ବିଜେଡିର ମହିଳା ସଭାନେତ୍ରୀ ଓ ବ୍ଲକ ସଭାନେତ୍ରୀ ମାନେ ଉପସ୍ଥିତ ଅଛନ୍ତି । ବିରୋଧୀ ଦଳ ନେତା ତଥା ବିଜେଡି ସଭାପତି ନବୀନ ପଟ୍ଟନାୟକ ମଧ୍ୟ ସମ୍ମିଳନୀରେ ଯୋଗଦେବେ । ଦଳର ମହିଳା ସଂଗଠନ କିଭଳି ଆହୁରି ଦୃଢ଼ ହେବ ସେ ନେଇ ହେବ ଆଲୋଚନା। ନିର୍ବାଚନ ବେଳେ ବିଜେପି ଦେଇଥିବା ପ୍ରତିଶ୍ରୁତି ସରକାରକୁ ଆସିବା ପରେ ପୂରଣ କରୁନଥିବାରୁ ତୃଣମୂଳ ସ୍ତରକୁ ଏକଥା ନେବ ମହିଳା ଜନତା ଦଳ। ସୁଭଦ୍ରା ଯୋଜନାରେ ପ୍ରତିଶ୍ରୁତି ପାଳନ କରୁନଥିବା ପ୍ରସଙ୍ଗକୁ ମଧ୍ୟ ଲୋକଙ୍କ ନିକଟକୁ କିଭଳି ବ୍ୟାପକ ଭାବେ ନିଆଯିବ ସେ ନେଇ ବୈଠକରେ ଆଲୋଚନା ହେବ ବୋଲି ରାଜ୍ୟସଭା ସାଂସଦ ସୁଲତା ଦେଓ କହିଛନ୍ତି ।
