ନୁଆଦିଲ୍ଲୀ -ସ୍ତ୍ରୀ -୨ ଓ ଖେଳ ଖେଳ ମେ ପରେ ଡିସେମ୍ବର ମାସରେ ଆମେ ବକ୍ସ ଅଫିସରେ ବହୁତ ବଡ ଧରଣର ଭିଡ ଦେଖିବାକୁ ପାଇବା।ଉଭୟ ଚଳଚ୍ଚିତ୍ର ଛାବା ଓ ପୁଷ୍ପା – 2 ଡିସେମ୍ବର 6 ରେ ମୁକ୍ତିଲାଭ କରିବାକୁ ଯାଉଛି।ନିକଟରେ ରଶ୍ମିକା ମନ୍ଦାନା ଏବଂ ବିକି କୌଶଲଙ୍କ ଅଭିନୀତ ଏୌତିହାସିକ ଚଳଚିତ୍ର ଛାବାର ଚମତ୍କାର ଟିଜର ମୁକ୍ତିଲାଭ କରିଥିଲା।ବିକି କୋଶଲଙ୍କୁ ଛାବାର ଟିଜରରେ ଦେଖିବାକୁ ମିଳିଛି।ବିକି କୌଶଲଙ୍କୁ ଦେଖିବା ପରେ ଷ୍ଟାର ଠାରୁ ଆରମ୍ଭ କରି ପ୍ରସଂଶକ ପର୍ଯ୍ୟନ୍ତ ସମସ୍ତଙ୍କ ମନରେ ଗୋଟିଏ କଥା ଏହି ଲୋକ କଣ କରିପାରିବ ନାହିଁ।ବିକି କୌଶଲ ଯେଉଁ ଚଳଚ୍ଚିତ୍ରରେ ଅଭିନୟ କରନ୍ତି ତାହା ନିଖୁଣ ଭାବରେ ପରିପ୍ରକାଶ କରନ୍ତି।ଗତମାସରେ ମୁକ୍ତିଲାଭ କରିଥିବା ଫିଲ୍ମ ବ୍ୟାଡ ନ୍ୟୁଜ ରେ ଅଖିଲ ଚାଡ୍ଡା ଭୁମିକାରେ ଅଭିନୟରେ ସମସ୍ତଙ୍କୁ ବହୁତ ହସାଇଥିଲେ।ବର୍ତ୍ତମାନ ଛାବା ରୁପରେ ଦର୍ଶକଙ୍କ ସାମ୍ନାରେ ଜଣେ ମରାଠା ଯୋଦ୍ଧାଙ୍କ କାହାଣୀ ଆଣିଛନ୍ତି।ଯାହାଙ୍କ ବିଷୟରେ ବୋଧହୁଏ କିଛି ଲୋକ ଏ ପର୍ଯ୍ୟନ୍ତ ଜାଣି ନଥିବେ।ଛାବାଙ୍କ ଶକ୍ତିଶାଳୀ ଟ୍ରିଜର ପ୍ରେକ୍ଷାଳୟରେ ଷ୍ଟ୍ରୀ 2 ସହିତ ଯୋଡି ହୋଇଥିଲା ।ଯେଉଁଠାରେ ଫିଲ୍ମ ଆରମ୍ଭ ହେବା ପୁର୍ବରୁ ଫିଲ୍ମ ଟିଜର ଦେଖାଯାଇଥିଲା।ବର୍ତ୍ତମାନ ରକ୍ଷାବନ୍ଧନ ଅବସରରେ ଫିଲ୍ମ ନିର୍ମାତା ମାନେ ୟୁଟ୍ୟୁବରେ ଟିଜର ସେୟାର କରିଥିଲେ।ଏହି ଚଳଚ୍ଚିତ୍ରରେ ଛତ୍ରପତୀ ଶିବାଜୀ ମହାରାଜଙ୍କ ଭୁମିକାରେ ବିକି କୌଶଲ ନଜର ଆସିଛନ୍ତି।ଏହି ଟିଜର ବିକିଙ୍କ ସ୍ୱରରୁ ଆରମ୍ଭ ହୁଏ ବିକି କୌଶଲ କୁହନ୍ତି ଛତ୍ରପତି ଶିବାଜୀ ମହାରାଜଙ୍କୁ ସିଂହ କୁହନ୍ତି ଓ ସିଂହର ଛୁଆକୁ ଛାବା କୁହାଯାଏ।ଏହା ପରେ ଆରମ୍ଭ ହୁଏ ଶୁରବୀର ଶିବାଜୀ ଙ୍କ କାହାଣୀ।ଯେଉଁଠାରେ ସେ ସିଂହ ପରି ଗର୍ଜନ କରି ଶତୃକୁ ଆକ୍ରମଣ କରନ୍ତି।ଫିଲ୍ମର ଏହି ଛୋଟ ଝଲକ ପ୍ରସଂଶକଙ୍କ ମନରେ ଫିଲ୍ମ ଦେଖିବା ପାଇଁ ଉତ୍କଣ୍ଠା ଦ୍ୱିଗୁଣିତ କରିଛି।
