ନୂଆଦିଲ୍ଲୀ– ଶୁକ୍ରବାର 70ତମ ଜାତୀୟ ଫିଲ୍ମ ପୁରସ୍କାର ବିଜେତା ଘୋଷଣା କରାଯାଇଛି । କେନ୍ଦ୍ରୀୟ ସୂଚନା ଏବଂ ପ୍ରସାରଣ ମନ୍ତ୍ରାଳୟ ପ୍ରେସମିଟରେ ଫିଚର ଫିଲ୍ମ, ନନ ଫିଚର ଫିଲ୍ମ ଓ ସମସ୍ତ ଶ୍ରେଣୀରେ 2022 ମସିହାର ପୁରସ୍କାର ପାଇଁ ବିଜେତାଙ୍କ ନାମ ଘୋଷଣା କରିଛି । ମନୋଜ ବାଜପେୟୀଙ୍କ ଫିଲ୍ମ ଗୁଲମୋହରକୁ ସର୍ବଶ୍ରେଷ୍ଠ ହିନ୍ଦୀ ଫିଲ୍ମ ଓ ମାଲାୟଲମ ଭାଷାର ଫିଲ୍ମ ଅଟମକୁ ସର୍ବଶ୍ରେଷ୍ଠ ଫିଚର ଫିଲ୍ମ ପୁରସ୍କାର ଦିଆଯିବ । ସର୍ବଶ୍ରେଷ୍ଠ ଅଭିନେତ୍ରୀ କ୍ୟାଟାଗୋରୀରେ ଦୁଇଜଣ ଅଭିନେତ୍ରୀଙ୍କୁ ଚୟନ କରାଯାଇଛି । ତାମିଲ ଫିଲ୍ମ ଥିରୁଚିତ୍ରାମ୍ବଲମ ପାଇଁ ନିତ୍ୟା ମେନନ ଓ ଗୁଜରାଟୀ ଫିଲ୍ମ କଚ୍ଛ ଏକ୍ସପ୍ରେସ ପାଇଁ ମାନସୀ ପାରେଖଙ୍କୁ ସର୍ବଶ୍ରେଷ୍ଠ ପୁରସ୍କାର ଦିଆଯିବ । କାନ୍ତରାରେ ପ୍ରମୁଖ ଭୂମିକା ନିଭାଇଥିବା ଅଭିନେତା ଋଷଭ ସେଟ୍ଟୀଙ୍କୁ ସର୍ବଶ୍ରେଷ୍ଠ ଅଭିନେତାର ପୁରସ୍କାର ଦିଆଯିବ । 2022 ବର୍ଷ ପାଇଁ ସର୍ବଶ୍ରେଷ୍ଠ ନିର୍ଦ୍ଦେଶକ ପୁରସ୍କାର ସୁରଜ ବଡଜାତ୍ୟାଙ୍କୁ ଉଚ୍ଚାଇ ପାଇଁ ଦିଆଯିବ । ସର୍ବଶ୍ରେଷ୍ଠ ସଙ୍ଗୀତ ନିର୍ଦ୍ଦେଶକର ପୁରସ୍କାର ବ୍ରହ୍ମଶାସ୍ତ୍ର ପାଇଁ ପ୍ରୀତମଙ୍କୁ ଦିଆଯିବ । ବ୍ୟାଙ୍କଗ୍ରାଉଣ୍ଡ ମ୍ୟୁଜିକ ପାଇଁ ସର୍ବଶ୍ରେଷ୍ଠ ସଙ୍ଗୀତ ନିର୍ଦ୍ଦେଶକ ପୁରସ୍କାର ଏଆର ରହେମାନଙ୍କୁ ପେନ୍ନିୟିନ ସେଲଭନ ପାର୍ଟ-1 ପାଇଁ ଦିଆଯିବ ।
