ଭଦ୍ରକ – ଏହି ଜିଲାର ତିହିଡି ଥାନା ଅଧୀନସ୍ଥ ସଦର ବଜାରରେ ଥିବା ଏକ ସରକାରୀ ମଦ ଦୋକାନରୁ ଚୋରି ହୋଇଥିବା ଜଣାପଡିଛି । ଏହି ଚୋରି ବିଳମ୍ବିତ ରାତିରେ ହୋଇଥିବାବେଳେ ସକାଳୁ ଦୋକାନ ଖୋଲିବାବେଳେ ଏହା ଜଣାପଡିଛି । ଦୃବୁର୍ତମାନେ ଦୋକାନ ପଛପଟ କାନ୍ଥରେ ପ୍ରାୟ ଦେଢଫୁଟ ଗୋଲେଇର ସିନ୍ଧୁ ଗାତ କରି ପ୍ରବେଶ କରିବା ପରେ ଘର ଭିତରେ ଲାଗିଥିବା ସିସି କ୍ୟାମେରା ଭାଙ୍ଗିଥିବାର ଜଣାପଡିଛି । ଏହାପରେ କମ୍ପୁ୍ୟଟର ହାର୍ଡଡିସ୍କ ଚୋରି କରିବା ସହ ନଗଦ ପ୍ରାୟ ୩.୫୦ ଲକ୍ଷ ଟଙ୍କା ସମେତ ନାମୀଦାମୀ ମଦ ଚୋରି କରିନେଇଛନ୍ତି । ତିହିଡି ପୁଲିସ୍ ଘଟଣାସ୍ଥଳରେ ପହଞ୍ଚô ତଦନ୍ତ କରିବା ସହ ଏକ ଟୋପି ଜବତ କରିଛି । ଥାନା ଠାରୁ ମାତ୍ର ଦେଢଶହ ମିଟର ଦୂରରେ ଏହି ଚୋରି ହୋଇଥିବାରୁ ସ୍ଥାନୀୟ ଅଂଚଳର ଜଣାଶୁଣା ଚୋରମାନେ ଏହା ଘଟାଇଥିବାର ଅନୁମାନ କରାଯାଉଛି । ଏହି ଘଟଣାରେ ମଦ ଦୋକାନ ମ୍ୟାନେଜର ଦୁର୍ଯେ୍ୟାଧନ ବେହେରାଙ୍କ ଅଭିଯୋଗ ମୂଳେ ୧୦/୨୦ ନମ୍ବରରେ ଏକ ମାମଲା ରୁଜୁ ହୋଇ ତଦନ୍ତ ଚାଲୁରହିଛି । ତେବେ ଏହି ଘଟଣାଟି ସ୍ଥାନୀୟ ପୁଲିସ୍ ପାଇଁ ଏକ ବଡ ଚ୍ୟାଲେଞ୍ଜ ହୋଇଛି ।
