ନୂଆଦିଲ୍ଲୀ ହର୍ ଘର ତ୍ରିରଙ୍ଗା ଅଭିଯାନରେ ସାମିଲ ହେବାକୁ ଆହ୍ୱାନ ଦେଇଛନ୍ତି ରାଜ୍ୟପାଳ ରଘୁବର ଦାସ । ସୋସିଆଲ ମିଡିଆ ଏକ୍ସରେ ରାଜ୍ୟପାଳ କହିଛନ୍ତି ଯେ, ଆଗକୁ ଆସୁଛି ସ୍ୱାଧୀନତା ଦିବସ । ଯଶସ୍ୱୀ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦି ହର୍ ଘର ତ୍ରିରଙ୍ଗା ଅଭିଯାନକୁ ଚଳିତ ବର୍ଷ ବି ଜନ ଆନ୍ଦୋଳନରେ ବଦଳାଇବାକୁ ଆହ୍ୱାନ ଦେଇଛନ୍ତି । ମୁଁ ମୋର ପ୍ରୋଫାଇଲ ଫଟୋ ବଦଳାଇ ତ୍ରିରଙ୍ଗାର ଫଟୋ ଲଗାଇଛି । ଆପଣ ସମସ୍ତଙ୍କୁ ବି ଅନୁରୋଧ କରୁଛି ଯେ, ଆପଣ ବି ନିଜ ପ୍ରୋଫାଇଲ ଫଟୋରେ ତ୍ରିରଙ୍ଗା ଲଗାନ୍ତୁ । ଏହାସହିତ ନିଜ ଘରେ ତ୍ରିରଙ୍ଗା ଉଡାଇ ଏହା ସହିତ ନିଜ ସେଲଫି ନେଇ ହର ଘର ତ୍ରିରଙ୍ଗା ଡଟ୍ କମରେ ଶେୟାର କରନ୍ତୁ ।
