ନୂଆପଡା – ନୂଆପଡା ଜିଲ୍ଲା ଖଡିଆଳ ସ୍ଥିତ ସ୍ୱୟଂଶାସିତ କଲେଜରେ ଅଭିଭାବକ, ଅଭିଭାବିକା-ଅଧ୍ୟାପକ, ଅଧ୍ୟାପିକା ମାନଙ୍କୁ ନେଇ ଏକ ସମ୍ମିଳନୀ କଲେଜ ଅଡିଟୋରୀୟମ ହଳ ଠାରେ ଶନିବାର ଅନୁଷ୍ଠିତ ହୋଇଯାଇଛି । ଏଥିରେ କଲେଜ ଅଧ୍ୟକ୍ଷ ଡଃ ହରେନ୍ଦ୍ର କୁମାର ପଣ୍ଡା ଅଧ୍ୟକ୍ଷତା କରିଥିବା ବେଳେ କଲେଜର ବିଭିନ୍ନ ସୁବିଧା ସୁଯୋଗ ବିଷୟରେ ଆଲୋଚନା ହୋଇଥିଲା । ଏହାସହ କଲେଜରେ ଠିକ ଭାବରେ ଶିକ୍ଷାଦାନ କରାଯାଉଥିବା ନେଇ ଅଭିଭାବକ ମାନେ ଖୁସି ବ୍ୟକ୍ତ କରିଥିଲେ । ଏଥିରେ ଅନ୍ୟମାନଙ୍କ ମଧ୍ୟରେ ଅଧ୍ୟାପକ ଗଙ୍ଗାଧର ପାଣିଗ୍ରାହୀ, ପ୍ରମୋଦ କୁମାର ସାହୁ, ସୁଧିର ପ୍ରଧାନ, ତରୁଣ କୁମାର ପ୍ରଧାନ, ଶୀଲା ତ୍ରିବେଦୀ, ମୀନା ଗୁଜରାତି ସମେତ ଶତାଧିକ ଅଭିଭାବକ, ଅଭିଭାବିକା, ଅଧ୍ୟାପକ, ଅଧ୍ୟାପିକା ଉପସ୍ଥିତ ଥିଲେ ।
