ଡେରାଡୁନ,ଉତ୍ତରାଖଣ୍ଡର ରୁଦ୍ରପ୍ରୟାଗ, ଟିହରି, ଡେରାଡୁନ, ଚମୋଲି, ହରିଦ୍ୱାର ସମେତ ରାଜ୍ୟର ଅନେକ ଜିଲ୍ଲାରେ ପ୍ରବଳ ବର୍ଷା ଯୋଗୁ ଅନେକ ସ୍ଥାନରେ ବିପର୍ଯ୍ୟୟ ଘଟିଛି । କେଉଁଠି ବାଦଲ ଫଟା ବର୍ଷା ତ କେଉଁଠି ପାହାଡରୁ ଧସିଛି ପଥର ତ ଅନ୍ୟ କେଉଁଠି ଭୂସ୍ଖଳନ ପରିସ୍ଥିତି ସୃଷ୍ଟି ହୋଇଛି । ଏହାରି ଭିତରେ ସରକାରଙ୍କ ପକ୍ଷରୁ ରେସକ୍ୟୁ ଓ ଉଦ୍ଧାର ଅଭିଯାନ ଆରମ୍ଭ ହୋଇଛି । ବିପର୍ଯ୍ୟୟରେ ଦମ୍ପତିଙ୍କ ସମେତ 2ଜଣ ଶିଶୁଙ୍କୁ ମିଶାଓ 7ଜଣ ଲୋକଙ୍କ ଜୀବନ ଯାଇଛି । ସେହିପରି 10ଜଣ ଲୋକ ଆହତ ହୋଇଛନ୍ତି । ପାଣିପାଗ ବିଭାଗ ପକ୍ଷରୁ କିଛି ଜିଲ୍ଲାରେ ବର୍ଷା ଆଲର୍ଟ ଜାରି କରାଯାଇଥିଲା । ରୁଦ୍ରପ୍ରୟାଗର କେଦାରନାଥରେ ଘଂଟା ଘଂଟା ଧରି ବର୍ଷା ଲାଗି ରହିଛି । ସେହିପରି ଲିଂଚୌଲି ଓ ମହାବଳୀ ନିକଟରେ ପଥର ଖସିଥିବା କାରଣରୁ ମନ୍ଦାକିନୀ ନଦୀ ହ୍ରଦ ପରି ଦୃଶ୍ୟମାନ ହୋଇଥିଲା । ଏପରି ତାଣ୍ଡବ ପରେ କେଦାରନାଥ ଧାମର ଯାତ୍ରାକୁ ରୋକାଯାଇଛି ।
