ମୁମ୍ବାଇ-ବିବାଦୀୟ ଟ୍ରେନି ଆଇଏଏସ ପୂଜା ଖେଡକରଙ୍କ ମାଆ ମନୋରମା ଖେଡକରଙ୍କୁ ଚାଷୀ ଧମକ ଘଟଣାରେ ପୁଣେ ଗ୍ରାମାଂଚଳ ପୋଲିସ ଟିମ୍ ରାୟଗଡ ଜିଲ୍ଲାର ମହାଡ ଅଂଚଳରୁ ଗୁରୁବାର ଭୋରରେ ଗିରଫ କରିଛି । ପୋଲିସ ମନୋରମାଙ୍କୁ ପୁଣେ ସ୍ଥିତ ପୌଡ ପୋଲିସ ଷ୍ଟେସନ ଆଣି ତାଙ୍କୁ କୋର୍ଟ ଚାଲାଣ କରିବ । ମାଆ ମନୋରମା ଖେଡକର ଓ ପିତା ଦିଲ୍ଲୀପ ଖେଡକର ସହିତ 7ଜଣ ଲୋକଙ୍କ ବିରୁଦ୍ଧରେ ପୌଡ ପୋଲିସ ଷ୍ଟେସନରେ ଚାଷୀଙ୍କୁ ପିସ୍ତଲ ଦେଖାଇ ଧମକାଇବା ମାମଲା ରୁଜୁ ହୋଇଥିଲା । ଏହାପରେ ମନୋରାମ ଖେଡକର ଦିଲ୍ଲୀ ଖେଡକର ଫେରାର ହୋଇଯାଇଥିଲେ । ଏମାନଙ୍କୁ ଖୋଜିବା ପାଇଁ ତିନୋଟି ଟିମ୍ ଗଠନ ହୋଇଥିଲା । ତେବେ ଆଜି ଭୋରରୁ ତାଙ୍କୁ ଗିରଫ କରାଯାଇଛି ।
