ବଲାଙ୍ଗିର– ବଲାଙ୍ଗିର ଗଇଁନ୍ତଲା ଠାରେ ଆଜି ଭୋର ସମୟରେ ଦିଲ୍ଖୁସ୍ ନାମକ ଏକ ବସ୍ ଦୁର୍ଘଟଣାର ଶିକାର ହୋଇଥିବା ଖବର ମଳିଛି । ସୂଚନା ଅନୁସାରେ, ଦିଲ୍ଖୁସ୍ ନାମକ ଏକ ବସ୍ ଯାତ୍ରୀ ମାନଙ୍କୁ ନେଇ ଭୁବନେଶ୍ଵରରୁ ମାଲକାନଗିରି ଆସୁଥିଲା । ଏହି ସମୟରେ ଗଇଁନ୍ତଲା ଗ୍ରାମରେ ବସ୍ ଟି ଅନ୍ୟ ଗାଡିକୁ ରାସ୍ତା ଦେବାକୁ ଯାଇ ଠିଆ ହୋଇଥିବା ଏକ ହାଇୱାକୁ ଯୋର୍ ରେ ଧକ୍କା ଦେଇଥିଲା। ଫଳରେ ବସ୍ ର ସାମ୍ନା ପଟ ଚୁର୍ମାର ହୋଇଯାଇଥିବା ବେଳେ ବସ୍ ରେ ବସିଥିବା ପାଖାପାଖି ୧୦ରୁ ଅଧିକ ଯାତ୍ରୀ ଆହତ ହୋଇଛନ୍ତି । ଆହତଙ୍କୁ ବଲାଙ୍ଗିର ଭୀମ ଭୋଇ ମେଡ଼ିକାଲ କଲେଜ ଓ ହସ୍ପିଟାଲ ଠାରେ ଭର୍ତି କରିଥିବା ଜଣାପଡ଼ିଛି । ଘଟଣାସ୍ଥଳରେ ପୁଲିସ ପହଂଚି ଆହତ ମାନଙ୍କୁ ହସ୍ପିଟାଲ ପଠାଇବା ସହିତ ତଦନ୍ତ ଆରମ୍ଭ କରିଥିବା ସୂଚନା ରହିଛି ।
