ଆଣନ୍ଦ– ଗୁଜରାଟର ଆଣନ୍ଦ ନିକଟରେ ଆଜି ସକାଳେ ଏକ ସଡକ ଦୁର୍ଘଟଣାରେ 6ଜଣଙ୍କ ମୃତ୍ୟୁ ହୋଇଥିବା ବେଳେ 8ଜଣ ଆହତ ହୋଇଛନ୍ତି । ଏଥିରେ କିଛି ଲୋକ ଆହତ ହୋଇଛନ୍ତି । ମୃତକଙ୍କ ସଂଖ୍ୟା ବଢିବାର ଆଶଙ୍କା ରହିଛି ।
ଅହମଦାବାଦ-ଭଦୋଦରା ଏକ୍ସପ୍ରେସ ହାଇୱେରେ ଆଣନ୍ଦ ନିକଟ ଚିଖୋଦରାରେ ଏହି ଦୁର୍ଘଟଣା ଘଟିଛି । ହଠାତ୍ ଏକ ଟ୍ରକର ଟାୟାର ଫାଟିବାରୁ ଏହା ଭାରସାମ୍ୟ ହରାଇ ରାସ୍ତା କଡରେ ଠିଆ ହୋଇଥିବା ଏକ ବସରେ ଧକ୍କା ହୋଇଥିଲା । ଏହି ଧକ୍କା ଯୋଗୁ ବସଟି ଡିଭାଇଡର ଉପରେ ବସିଥିବା ଯାତ୍ରୀଙ୍କ ଉପରକୁ ଓଲଟିପଡିଥିଲା । ଏଥିରେ 6ଜଣ ଯାତ୍ରୀ ଚାପି ହୋଇଯାଇଥିଲେ । ଏମାନଙ୍କ ମଧ୍ୟରୁ ଘଟଣାସ୍ଥଳରେ 3ଜଣଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ 3ଜଣ ହସ୍ପିଟାଲରେ ମୃତ୍ୟୁବରଣ କରିଛନ୍ତି ।
