ମୁମ୍ବାଇ, ମୁମ୍ବାଇରେ ମୂଷଳଧାରରେ ବର୍ଷା ଲାଗିରହିଛି । ଫଳରେ ସହର ଓ ଏହାର ଆଖପାଖ ଅଂଚଳ ଜଳମଗ୍ନ ହୋଇଛି । ପାଣିପାଗ ବିଭାଗର ସୂଚନା ଅନୁସାରେ ଆଜି ବି ସହର ଓ ଏହାର ଆଖପାଖ ଅଂଚଳରେ ଜୋରଦାର ବର୍ଷା ଆଲର୍ଟ ରହିଛି । ବର୍ଷା କାରଣରୁ ପଶ୍ଚିମ ରେଲୱେର ସେବା ବାଧାପ୍ରାପ୍ତ ହୋଇଛି । ମୁମ୍ବାଇ ନଗର ଓ ବିପର୍ଯ୍ୟୟ ପ୍ରବନ୍ଧନ ବିଭାଗ ନାଗରିକଙ୍କୁ ସତର୍କ ରହିବାକୁ ଓ ଜରୁରୀ ନଥିଲେ ଘରୁ ନାବାହାରିବାକୁ ପରାମର୍ଶ ଦେଇଛି । ମୁମ୍ବାଇ ଉପନଗରରେ ସକାଳ 5ଟା ବେଳେ 131.2 ମିମି ବର୍ଷା ରେକର୍ଡ ହୋଇଥିବା ବେଳେ ମୁମ୍ବାଇ ସହରରେ 77.4 ମିମି ବର୍ଷା ରେକର୍ଡ ହୋଇଛି ।
