କୁଲଗାମ,ଦକ୍ଷିଣ କଶ୍ମୀରର କୁଲଗାମ ଜିଲ୍ଲାର ମୋଦରଗାମ ଗାଁରେ ଶନିବାର ଆତଙ୍କବାଦୀ ଓ ସୁରକ୍ଷାବଳ ମଧ୍ୟରେ ଜାରି ଗୁଳି ବିନିମୟରେ ସେନାର ଜଣେ ଯବାନ ସହିଦ ହୋଇଛନ୍ତି । ପୋଲିସ ଅଧିକାରୀଙ୍କ ସୂଚନା ମୁତାବକ ଆତଙ୍କବାଦୀଙ୍କ ଦ୍ୱାରା ଆରମ୍ଭ ହୋଇଥିବା ଗୁଳି ବିନିମୟରେ ଜଣେ ଯବାନ ଆହତ ହୋଇଥିଲେ । ଆହତ ଯବାନଙ୍କୁ ନିକଟସ୍ଥ ହସ୍ପିଟାଲ ନିଆଯାଇଥିଲା, ଯେଉଁଠାରେ ଚିକିତ୍ସାଧୀନ ଅବସ୍ଥାରେ ତାଙ୍କୁ ବୀରଗତି ପ୍ରାପ୍ତ ହୋଇଥିଲା । ଏବେ ଅଂଚଳରେ ଅଭିଯାନ ଜାରି ରହିଥିବା ସେ ସୂଚନା ଦେଇଛନ୍ତି ।
ଅଧିକାରୀଙ୍କ ମୁତାବକ ପୋଲିସ, ସେନା ଓ 9ଆରଆର ଓ ସିଆରପିଏଫର ମିଳିତ ଟିମ ଅଂଚଳରେ ଆତଙ୍କବାଦୀଙ୍କ ଉପସ୍ଥିତି ନେଇ ସୂଚନା ପାଇବା ପରେ ଘେରାବନ୍ଦୀ କରି ତଲାସୀ ଅଭିଯାନ ଚଳାଇଥିଲେ । ସୁରକ୍ଷାବଳର ଟିମ୍ ସନ୍ଦିଗ୍ଧ ସ୍ଥାନ ଅଭିମୁଖେ ଗଲାବେଳେ ଆତଙ୍କବାଦୀମାନେ ଗୁଳି ଚଳାଇଥିଲେ, ଯାହାର ଜବାବ ଦିଆଯାଇ ଗୁଳି ବିନିମୟ କରାଯାଇଥିଲା । ଏଠାରେ ଦୁଇଜଣ ଆତଙ୍କବାଦୀ ଫସିରହିଥିବା ଆଶଙ୍କା କରାଯାଉଛି ।
