ନୂଆଦିଲ୍ଲୀ, ରାଷ୍ଟ୍ରୀୟ ପ୍ରବେଶ ସହ ପାତ୍ରତା ପରୀକ୍ଷା-ସ୍ନାତକୋତ୍ତର (ନିଟ-ପିଜି) 2024 ର ଶୁକ୍ରବାର ଦିନ ନୂଆ ପରୀକ୍ଷା ତାରିଖ ଘୋଷଣା ହୋଇଛି । ସୂଚନା ମୁତାବକ ନିଟ-ପିଜି ପରୀକ୍ଷା ଅଗଷ୍ଟ 11ରେ ହେବ ।
ଏନବିଇଏମଏମ ଶୁକ୍ରବାର ନିଟ-ପିଜି 2024ର ଆୟୋଜନର ସଂଶୋଧିତ କାର୍ଯ୍ୟକ୍ରମ ଘୋଷଣା କରିଛି । ଏନବିଇଏମଏମ ଜୁନ 22ର ନୋଟିସ କ୍ରମରେ ନିଟ-ପିଜି ପରୀକ୍ଷାର ଆୟୋଜନକୁ ପୁନର୍ନିର୍ଦ୍ଧାରିତ କରାଯାଇଛି । ନିଟି-ପିଚି 2024 ଏବେ ଅଗଷ୍ଟ 11ରେ ଦୁଇଟି ପାଳିରେ ଆୟୋଜିତ କରାଯିବ ।
ଏଠାରେ ସୂଚନାଯୋଗ୍ୟ, ମେଡିକାଲ ପ୍ରବେଶ ପରୀକ୍ଷା ନିଟ-ୟୁଜିରେ ବିସଙ୍ଗତି ଅଭିଯୋଗକୁ ନେଇ ଦେଖାଦେଇଥିବା ବିବାଦ ମଧ୍ୟରେ ନିର୍ଦ୍ଧାରିତ ତାରିଖର ଠିକ୍ ଦିନକ ପୂର୍ବରୁ ଅର୍ଥାତ ଜୁନ 23ରେ ନିଟ-ପିଜି ପରୀକ୍ଷାକୁ କେନ୍ଦ୍ର ପକ୍ଷରୁ ସ୍ଥଗିତ କରାଯାଇଥିଲା ।
