ବଲାଙ୍ଗିର– ବଲାଙ୍ଗିର ରେଳ ଧାରଣାରୁ ଜଣେ ଅଜଣା ବ୍ୟକ୍ତିଙ୍କ ରକ୍ତାକ୍ତ ଶବ ଉଦ୍ଧାର ହୋଇଥିବା ଖବର ମିଳିଛି । ବଲାଙ୍ଗିର ଦେଓଗାଁ ଥାନା ଅନ୍ତର୍ଗତ ଘୁଚିପାଲି ଗ୍ରାମ ନିକଟ ରେଳ ଧାରଣାରୁ ବିଳମ୍ବିତ ରାତିରେ ଜଣେ ବ୍ୟକ୍ତିଙ୍କ ରକ୍ତାକ୍ତ ଶବ ପଡିଥିବାର ବଲାଙ୍ଗିର ଜିଆରପି ପୋଲିସ୍ ଖବର ପାଇଥିଲା । ଏବଂ ଘଟଣା ସ୍ଥଳରୁ ଲାଲ ରଙ୍ଗର ସାର୍ଟ ଓ ନୀଳ ଜିନ୍ସ ପିନ୍ଧିଥିବା ୩୦/୩୫ ବର୍ଷୀୟ ବ୍ୟକ୍ତିଙ୍କ ଶବ ଉଦ୍ଧାର କରିଥିଲା । ଦୁର୍ଘଟଣା ସ୍ଥାନରେ ଏକ ବାଇକ ରଖାଯାଇଥିବା ଯୋଗୁଁ ଏହା ଏକ ଆତ୍ମହତ୍ୟା ମାମଲା ବୋଲି ଅନୁମାନ କରାଯାଉଛି। ଏହି ଘଟଣା କୁର୍ଲା ଦ୍ରୁତ ଗାମୀ ଟ୍ରେନ ରେ ହୋଇଥିବା କୁହାଯାଉଛି। ତେବେ ମୃତକର ପରିଚୟ ଏ ଯାଏଁ ମିଳିପାରି ନ ଥିବା ବେଳେ ବଲାଙ୍ଗିର ଜିଆରପି ପୋଲିସ୍ କେସ ନମ୍ବର୍ ୨୨/ ୨୪ରେ ଏକ ମାମଲା ରୁଜୁ କରି ଶବ ଭୀମ ଭୋଇ ମେଡିକାଲ କଲେଜ୍ ଡାକ୍ତରଖାନାର ଶବ ବ୍ୟବଚ୍ଛେଦ ଗୃହରେ ରଖାଯାଇଛି । ତେବେ ମୃତକଙ୍କ ପରିଚିତଙ୍କୁ ଖୋଜିବାକୁ ପୋଲିସ୍ ତଦନ୍ତ ଜାରି ରଖିଛି ବୋଲି ବଲାଙ୍ଗିର ଜିଆରପି ଥାନା ଅଧିକାରୀ ପ୍ରବିଣ କୁମାର କୁଆଁର ପ୍ରକାଶ କରିଛନ୍ତି।
