ଭୁବନେଶ୍ବର, ପୁରୀ ଶ୍ରୀମନ୍ଦିର ରତ୍ନଭଣ୍ଡାର ନିଶ୍ଚିତ ଭାବେ ଖୋଲା ଯିବ। ଏହି ସୂଚନା ଦେଇଛନ୍ତି ଓଡ଼ିଶାର ଆଇନ ମନ୍ତ୍ରୀ ପୃଥ୍ବୀରାଜ ହରିଚନ୍ଦନ।
ସାମ୍ବାଦିକ ମାନଙ୍କ ସହ ଆଲୋଚନା ବେଳେ ସେ କହିଛନ୍ତି, ଖୁବ୍ ଶୀଘ୍ର ରତ୍ନଭଣ୍ଡାର ଖୋଲାଯାଇ ଗଣତି କରାଯିବ। ଏଥିପାଇଁ ଯାହା ପ୍ରକ୍ରିୟା ରହିଛି ତାହା କରାଯାଉଛି। କେଉଁ ଦିନ ଖୋଲାଯିବ ଓ କେମିତି ଖୋଲାଯିବ ମୋଡଲିଟି ପ୍ରସ୍ତୁତ କରାଯିବ । ରତ୍ନଭଣ୍ଡାର ଖୋଲାଯିବା ସ୍ଥିର ଓ ନିଶ୍ଚିତ। ଖୋଲିବା ପ୍ରକ୍ରିୟା ଜାରି ରହିଛି। ନିଷ୍ପତି ନେବା ଆରମ୍ଭ କରିଛନ୍ତି ସରକାର। ଖୁବ ଶୀଘ୍ର ରତ୍ନ ଭଣ୍ଡାର ଖୋଲିବା ନିଷ୍ପତି ନିଆଯିବ ଓ ରତ୍ନ ଅଳଙ୍କାର ଗଣତି କରାଯିବ।ଆଜି ଲୋକସେବା ଭବନରେ ଦାୟିତ୍ୱ ଗ୍ରହଣ କରିବା ପରେ ସେ ଏହା କହିଛନ୍ତି ।
