ନାରାୟଣପୁର, ଛତିଶଗଡର ନାରାୟଣପୁର ଜିଲ୍ଲା ଅନ୍ତର୍ଗତ ମହାରାଷ୍ଟ୍ର ସୀମାର ଅବୁଝାମାଡ ଅଂଚଳର କୁତୁଲ ଗାଁରେ ଶନିବାର ସକାଳେ ଆରମ୍ଭ ହୋଇଥିବା ନକ୍ସଲଙ୍କୁ ବଡ କ୍ଷତି ସହିବାକୁ ପଡିଛି । ସୁରକ୍ଷାକର୍ମୀମାନେ 8ଜଣ ନକ୍ସଲଙ୍କୁ ନିହତ କରିଛନ୍ତି । ଗୁଳି ବିନିମୟ ସମୟରେ ଏସଟିଏଫର ଜଣେ ଯବାନ ସହିଦ ହୋଇଛନ୍ତି ଏବଂ ଏସଟିଏଫର ଦୁଇ ଯବାନ ଆହତ ହୋଇଛନ୍ତି ।
ବସ୍ତର ଆଇଜି ସୁନ୍ଦରରାଜ ପି. କହିଛନ୍ତି ଯେ, ଗୁଳି ବିନିମୟରେ 8 ନକ୍ସଲ ନିହତ ହୋଇଛନ୍ତି । ଜଣେ ଯବାନ ସହିଦ ହୋଇଥିବା ବେଳେ ଦୁଇ ଯବାନ ଆହତ ହୋଇଛନ୍ତି । ଆହତ ଯବାନଙ୍କ ସ୍ଥିତି ବିପଦମୁକ୍ତ ରହିଛି । ନିହତ ନକ୍ସଲଙ୍କ ଠାରୁ ଅସ୍ତ୍ରଶସ୍ତ୍ର ଓ ଅନ୍ୟ ସାମଗ୍ରୀ ଜବତ ହୋଇଥିଲା । ମିଳିତ ଅଭିଯାନରେ ନାରାୟଣପୁର-କାଣ୍ଡାଗାଓଁ-କାଂକେର-ଦାନ୍ତେୱାଡା ଡିଆରଜି ଏସଟିଏଫ ଆଇଟିବିପି 53ବି ବାହିନୀ, ବିଏସଏଫ 135ବି ବାହିନୀ ବଳ ସାମିଲ ହୋଇଛନ୍ତି ।
