ଶିମଲା, ଶିମଲାର ଅନ୍ତର୍ଜାତୀୟ ଗ୍ରୀଷ୍ମୋତ୍ସବ ଆଜି ଠାରୁ ଆରମ୍ଭ ହେବାକୁ ଯାଉଛି । ଏହି ଉତ୍ସବରେ ହିମାଚଳ ପ୍ରଦେଶର ପାହାଡ଼ି ଝଲକ୍ ଦେଖିବାକୁ ମିଳିବ । ଚାରି ଦିନ ଧରି ଅନୁଷ୍ଠିତ ହେବାକୁ ଥିବା ଏହି ଗ୍ରୀଷ୍ମୋତ୍ସବରେ ପାହାଡ଼ି କଳାକାର ମାନଙ୍କ ସହିତ କେତେକ ନାମୀଦାମୀ ବଲିଉଡ଼୍ ଓ ପଞ୍ଜାବୀ କଳାକାର ନିଜ ସ୍ଵରର କରିସ୍ମା ଦେଖାଇବେ । ଚାରି ଦିବସୀୟ ଏହି ଗ୍ରୀଷ୍ମୋତ୍ସବରେ ଚଳିତ ବର୍ଷ ପଞ୍ଜାବୀ ଗାୟକ ଦଲେର ମେହନ୍ଦି, ହିମାଚଳୀ ଗାୟକ କୁଲଦୀପ ଶର୍ମା, ଅରୁଣ ଜଷ୍ଟା, ବଲିଉଡ୍ ର ପାର୍ଶ୍ବ ଗାୟିକା ମହାଲକ୍ଷ୍ମୀ ଅୟର ଏବଂ ଗାୟକ ସାଜ ଭଟ୍ଟି ଦର୍ଶକଙ୍କୁ ନିଜର ସ୍ଵରର ଯାଦୁ ଦେଖାଇବେ । ରାଜ୍ୟପାଳ ଶିବ ପ୍ରତାପ ଶୁକ୍ଳ ଗ୍ରୀଷ୍ମୋତ୍ସବର ଶୁଭାରମ୍ଭ କରିବେ ।
ଏହା ବ୍ୟତୀତ ସ୍କୁଲର କୁନିକୁନି ପିଲାଙ୍କ ଦ୍ଵାରା ମଧ୍ୟ କେତେକ ସାଂସ୍କୃତିକ କାର୍ଯ୍ୟକ୍ରମ ବରିବେଷଣ କରାଯିବ ।
