ଦଣ୍ଡବିଧାନ ହାରରେ ଓଡିଶା ସବୁଠୁ ପଛରେ

– ନବୀନଙ୍କ ନେତୃତ୍ୱରେ ରାଜ୍ୟ ପୋଲିସର ଲଜ୍ଜାଜନକ ପ୍ରଦର୍ଶନ – କଂଗ୍ରେସ

ଭୁବନେଶ୍ୱର – ବିଭିନ୍ନ ଅନୁÂାନମାନଙ୍କ ଠାରୁ ସ୍ୱଚ୍ଛ ଶାସନରେ ପ୍ରଥମ ପୁରସ୍କାର ଗ୍ରହଣ କରୁଥିବା ରାଜ୍ୟ ସରକାର ବାସ୍ତବରେ ଏଥିରେ ସର୍ବ ଶେଷରେ ଅଛନ୍ତି, ଯାହା ନ୍ୟାସନାଲ କ୍ରାଇମ୍ ରେକର୍ଡ ବୁ୍ୟରୋ ଦ୍ୱାରା ସଦ୍ୟ ପ୍ରକାଶିତ ପୁସ୍ତକରେ ପ୍ରକାଶ ପାଇଛି । ଦ ଣ୍ଡବିଧାନ ହାରରେ ମଧ୍ୟ ଓଡିଶା ଢେର ପଛରେ । ଏପରିସ୍ଥିତିରେ ୫-ଟି ପ୍ରଚଳନ ଏକ ଭେଳିକି ବୋଲି କଂଗ୍ରେସ ନେତା ସତ୍ୟ ପ୍ରକାଶ ନାୟକ ଅଭିଯୋଗ କରିବା ସହ ମୁଖ୍ୟମନ୍ତ୍ରୀ ଓ ତାଙ୍କ ବ୍ୟକ୍ତଗତ ତଥା ୫ଟି ସଚିବଙ୍କୁ ଟାର୍ଗେଟ କରିଛନ୍ତି ।
ସେ କହିଛନ୍ତି ଯେ ନ୍ୟାସନାଲ କ୍ରାଇମ୍ ରେକର୍ଡ ବୁ୍ୟରୋ ଦ୍ୱାରା ପ୍ରକାଶିତ ତାଲିକାରେ ଜାତୀୟ ସ୍ତରରେ ହାରାହାରି ଦଣ୍ଡବିଧାନ ହାର ୪୯.୯ % ଥିବାବେଳେ ୨୦ ବର୍ଷ ଧରି ରାଜ୍ୟରେ ଶାସନ କରିଥିବା ମୁଖ୍ୟମନ୍ତ୍ରୀ ଏବଂ ତାଙ୍କ ଅଧିନରେ ଥିବା ଗୃହ ବିଭାଗ ଦୋଷୀକୁ ଦଣ୍ଡ ଦେବାରେ ସମଗ୍ର ଭାରତ ବର୍ଷରେ ଶେଷରେ ଅଛି । ଅର୍ଥାତ୍ ୫.୭ % ଯାହା ଜାତୀୟ ହାରର ମାତ୍ର ୧୦ ପ୍ରତିଶତ । ଯେଉଁ ଅଧିକାରୀମାନଙ୍କ ଅପାରଗତା ଯୋଗୁଁ ଅପରାଧିମାନେ ଖସିଯିବାରେ ସଫଳ ହେଉଛନ୍ତି, କ’ଣ ପାଇଁ ୫ଟି ସଚିବ ସେହି ପୋଲିସ ଅଧିକାରୀଙ୍କ ଯୋଗ୍ୟତା ମାପିବାରେ ଟାଳଟୁଳ ନୀତି ଅବଲମ୍ବନ କରୁଛନ୍ତି ଏବଂ ଯଦି ରାଜ୍ୟ ସରକାର ସ୍ୱଚ୍ଛତା କଥା କହୁଛନ୍ତି, ଏହି ପ୍ରସଙ୍ଗରେ ମୁଖ୍ୟମନ୍ତ୍ରୀ ଉତର ରଖନ୍ତୁ ବୋଲି କଂଗ୍ରେସ ନେତା ସତ୍ୟ ପ୍ରକାଶ ନାୟକ ଦାବି କରିଛନ୍ତି ।
୨୦ ବର୍ଷର ବିଜୁ ଜନତା ଦଳର ଶାସନ କାଳରେ ଅଧିକାଂଶ ଅପରାଧରେ ବିଜୁ ଜନତା ଦଳର କର୍ମୀ ଓ ନେତା ଉକ୍ତ ଅଭିଯୁକ୍ତମାନଙ୍କୁ ସାହାଯ୍ୟ କରିବା ଉଦେ୍ଧଶ୍ୟରେ ତଦନ୍ତ ସମୟରେ ବିଜୁ ଜନତା ଦଳ କର୍ମୀମାନଙ୍କ ଠାରବୟାନ ରେକର୍ଡ କରାଇ ଅଭିଯୋଗ ଫର୍ଦ୍ଧ ଦାଖଲ କରି ଅଦାଲତରେ ସାକ୍ଷୀ ସମୟରେ ବୟାନ ବଦଳାଇ ଅପରାଧିମାନଙ୍କୁ ଖସାଇବାରେ ସଫଳ ହେଉଛନ୍ତି ବୋଲି କଂଗ୍ରେସ ଭବନ ଠାରେ ଆୟୋଜିତ ସାମ୍ବାଦିକ ସମ୍ମିଳନୀରେ ଉପସ୍ଥିତ ଅନ୍ୟତମ କଂଗ୍ରେସ ନେତା ନିଶିକାନ୍ତ ମିଶ୍ର ସିଧାସଳଖ ଅଭିଯୋଗ କରିଛନ୍ତି ।
ଏହି ସାମ୍ବାଦିକ ସମ୍ମିଳନୀରେ ଅନ୍ୟମାନଙ୍କ ମଧ୍ୟରେ ରଜନୀ କୁମାର ମହାନ୍ତି, ନରେଶ ମହାନ୍ତି, ଦୀପକ ମହାପାତ୍ର ପ୍ରମୁଖ ଉପସ୍ଥିତ ଥିଲେ ।