କଙ୍ଗନା ରାଣାୱତଙ୍କୁ ଚାପୁଡା ମାରିବା ଘଟଣାରେ ତଦନ୍ତ ପାଇଁ ଏସଆଇଟି ଗଠନ କଲା ପଂଜାବ ପୋଲିସ

ଚଣ୍ଡିଗଡ- ଫିଲ୍ମ ଅଭିନେତ୍ରୀ କଙ୍ଗନା ରାଣାୱତଙ୍କୁ ଚାପୁଡା ମାରିବା ଘଟଣାର ତଦନ୍ତ ପାଇଁ ପଂଜାବ ପୋଲିସ ଏସଆଇଟି ଗଠନ କରିଛି । ଚାଷୀ ସଙ୍ଗଠନ ରବିବାର ମୋହାଲାରେ କରିଥିବା ମାର୍ଚ୍ଚ ପରେ ସୋମବାର ପୋଲିସ ମହାନିର୍ଦ୍ଦେଶକ ଏହି ମାମଲାର ତଦନ୍ତ ଏସପି ସିଟି ମୋହାଲୀକୁ ଦେଇଛନ୍ତି । ଫିଲ୍ମ ଅଭିନେତ୍ରୀ ତଥା ସାଂସଦ କଙ୍ଗନା ରାଣାୱତ ଜୁନ 7ରେ ଦିଲ୍ଲୀ ଯିବା ପାଇଁ ଚଣ୍ଡିଗଡ ଏୟାରପୋର୍ଟରେ ପହଂଚିବା ମାତ୍ରେ ସ୍କାନରରୁ ବାହାରିବା ସମୟରେ ସିଆଇଏସଏପର କନଷ୍ଟେବଳ କୁଲବିନ୍ଦର କୌର ତାଙ୍କୁ ଚାପୁଡା ମାରିଥିଲେ । କୁଲବିନ୍ଦର କୌରଙ୍କ ମୁତାବକ ଚାଷୀ ଆନ୍ଦୋଳନ ସମୟରେ କଙ୍ଗନା ଦେଇଥିବା ବୟାନରେ ସେ ଆହତ ଥିଲେ, ଯାହାପରେ ସେ ଏହି ପଦକ୍ଷେପ ନେଇଥିଲେ । କୁଲବିନ୍ଦର କୌରଙ୍କୁ ନିଲମ୍ବନ କରିବା ସହ ତାଙ୍କ ବିରୁଦ୍ଧରେ ମାମଲା ରୁଜୁ କରାଯାଇଛି ।