![](https://indokalingtimes.com/wp-content/uploads/2021/07/IKT-NEWS-1.jpg)
ମୁମ୍ବାଇ, ବୁଲଢାଣାରେ ମୁମ୍ବାଇ- ନାଗପୁର ମାର୍ଗରେ ଶୁକ୍ରବାର ସକାଳେ କିନଗାଓଁ ରାଜା ନିକଟରେ ଚିନ୍ତାମଣି ଟ୍ରାଭେଲ୍ସର ଏକ ଘରୋଇ ବସ ଓଲଟିବା କାରଣରୁ 30 ଯାତ୍ରୀ ଆହତ ହୋଇଛନ୍ତି । ଏମାନଙ୍କ ମଧ୍ୟରୁ 8ଜଣଙ୍କ ଅବସ୍ଥା ଗୁରୁତର ରହିଛି ।
ଏହି ସମସ୍ତଙ୍କୁ ସିନ୍ଦଖେଡ ରାଜା ସରକାରୀ ହସ୍ପିଟାଲରେ ଭର୍ତ୍ତି କରାଯାଇଛି । ଏହାପରେ 8 ଗୁରୁତରଙ୍କୁ ଜାଲନା ଜିଲ୍ଲା ହସ୍ପିଟାଲରେ ଭର୍ତ୍ତି କରାଯାଇଛି । ସୂଚନା ମିଳିବା ପରେ ପୋଲିସ ଘଟଣାସ୍ଥଳରେ ପହଂଚି ଉଦ୍ଧାର କାର୍ଯ୍ୟ କରୁଛି ।
ଘଟଣାକ୍ରମ ଅନୁସାରେ ଆଜି ସକାଳ ପ୍ରାୟ ସାଢେ 5ଟା ବେଳେ ବୁଲଢାଣା ଜିଲ୍ଲାର କିନଗାଓଁ ରାଜା ନିକଟରେ ଏହି ବସଟି ଭାରସାମ୍ୟ ହରାଇ ଓଲଟି ପଡିଥିଲା । ଘଟଣା ପରେ ବସରେ ପଛପଟେ ଗେଟ ଥିବା କାରଣରୁ ପ୍ରାୟ ଏକ ଘଂଟା ଯାଏ ଯାତ୍ରୀ ଦୁର୍ଘଟଣାଗ୍ରସ୍ତ ବସରେ ଫସିରହିଥିଲେ ।