ଜୋରରେ ଚାଲିଛି ପ୍ରଧାନମନ୍ତ୍ରୀ ମୋଦିଙ୍କ ଶପଥ ଗ୍ରହଣ ସମାରୋହର ପ୍ରସ୍ତୁତି

• ଐତିହାସିକ କ୍ଷଣର ସାକ୍ଷୀ ହେବେ ଅନେକ ରାଷ୍ଟ୍ରାଧ୍ୟକ୍ଷ

ନୂଆଦିଲ୍ଲୀ- ଅଷ୍ଟାଦଶତମ ଲୋକସଭା ନିର୍ବାଚନ ପରେ ଲଗାତର ତୃତୀୟ ଥର ପ୍ରଧାନମନ୍ତ୍ରୀ ପଦ ସମ୍ଭାଳିବାକୁ ଯାଉଛନ୍ତି ଭାରତୀୟ ଜନତା ପାର୍ଟି ନେତୃତ୍ୱାଧୀନ ରାଷ୍ଟ୍ରୀୟ ଜନତାନ୍ତ୍ରିକ ମେଂଟର ନେତା ନରେନ୍ଦ୍ର ମୋଦିଙ୍କ ସପ୍ତାହନ୍ତରେ ହେବାକୁ ଥିବା ଶପଥ ଗ୍ରହଣ ସମାରୋହ ପାଇଁ ପ୍ରସ୍ତୁତି ଜୋରରେ ଚାଲିଛି । ପଡୋଶୀ ଦେଶ ଓ ଅନେକ ରାଷ୍ଟ୍ରଧ୍ୟକ୍ଷ ଏହି ଐତିହାସିକ କ୍ଷଣର ସାକ୍ଷୀ ହେବେ । ଏବେ ସୁଦ୍ଧା ନେପାଳ, ଭୁଟାନ, ଶ୍ରୀଲଙ୍କା ଓ ବାଂଲାଦେଶର ରାଷ୍ଟ୍ରାଧ୍ୟକ୍ଷଙ୍କୁ ନିମନ୍ତ୍ରଣ କରାଯାଇଛି ।

ଶପଥ ଗ୍ରହଣ ସମାରୋହର ପ୍ରସ୍ତୁତି ମଧ୍ୟରେ କୁହାଯାଇଛି ଯେ, ନିମନ୍ତ୍ରିତ କରାଯାଇଥିବା ବିଦେଶୀ ନେତାଙ୍କ ମଧ୍ୟରେ ବାଂଲାଦେଶ, ଶ୍ରୀଲଙ୍କା, ଭୁଟାନ, ନେପାଳ ଓ ମରିସସର ଶୀର୍ଷ ନେତା ସାମିଲ ହୋଇପାରନ୍ତି । ଏହାରି ଭିତରେ ଶ୍ରୀଲଙ୍କାର ରାଷ୍ଟ୍ରପତି ରାନିଲ ବିକ୍ରମାସିଂଘେ କହିଛନ୍ତି ଯେ, ପ୍ରଧାନମନ୍ତ୍ରୀ ମୋଦି ରାଷ୍ଟ୍ରପତିଙ୍କ ଶପଥ ଗ୍ରହଣ ସମାରୋହ ପାଇଁ ନିମନ୍ତ୍ରିତ କରିଛନ୍ତି ଏବଂ ବିକ୍ରମସିଂଘେ ନିମନ୍ତ୍ରଣକୁ ସ୍ୱୀକାର କରିଛନ୍ତି ।