ସେସୁର ବିଦ୍ୟୁତ୍ ସଂଯୋଗ କାଟିବା ନିଷ୍ପତି ଉପରେ ପୁନର୍ବିଚାର କରିବାକୁ ଜଟଣୀ ବିଧାୟକଙ୍କ ଦାବି

ଭୁବନେଶ୍ୱର –  ବକେୟା ବିଦ୍ୟୁତ ବିଲ୍ ପୈଠ ନ କଲେ “ସେସୁ’ ଆସନ୍ତା ୧୬ ତାରିଖରୁ ବିଜୁଳି କାଟିବା ନିଷ୍ପତିକୁ କଂଗ୍ରେସ ବିଧାୟକ ସୁର ରାଉତରାୟ ବିରୋଧ କରିବା ସହ ଆନେ୍ଦାଳନ ଚେତାବନୀ ଦେଇଛନ୍ତି  । ସେ କହିଛନ୍ତି ଯେ, ଯଦି ବିଦ୍ୟୁତ୍କାଟ୍ ହେବ, ତା’ହେଲେ ରାଜରାସ୍ତାରେ ନିଆଁ ଜଳିବ । କଂଗ୍ରେସ ଏହାର ଜୋରଦାର ପ୍ରତିବାଦ କରିବ । ଏପରିକି ବିଦ୍ୟୁତ୍ କାଟିବା ପାଇଁ ଗାଁ ଭିତରକୁ କାହାକୁ ପୁରାଇ ଦିଆଯିବ ନାହିଁ ବୋଲି ସେ କହିଛନ୍ତି ।

ସେ ଆହୁରି କହିଛନ୍ତି ଯେ ମୁଣ୍ଡ ଉପରେ ପିଲାମାନଙ୍କ ପରୀକ୍ଷା ରହିଛି, ତେଣୁ “ସେସୁ’ ଓ ସରକାର ଏ ଦିଗରେ ପୁନର୍ବି·ର କରି ନିଷ୍ପତି ବଦଳାନ୍ତୁ । ଏଥିଲାଗି ସରକାରଙ୍କ ହାତରେ ଆଉ ମାତ୍ର ୬ ଦିନ ବାକି ରହିଛି  । ତେଣୁ ଗ୍ରାମାଂଚଳରେ ବସବାସ କରୁଥିବା ଗରିବ ପରିବାରକୁ ସମୟ ଦିଆଯିବା ଉଚିତ ବୋଲି ସେ କହିଛନ୍ତି  । ସରକାର ଓ ସେସୁ ଏ ନେଇ ପୁଣିଥରେ ତର୍ଜମା କରନ୍ତୁ ନଚେତ୍ କଂଗ୍ରେସ ଆନେ୍ଦାଳନକୁ ଓହ୍ଲାଇବ ବୋଲି ଚେତାବନୀ ଦେଇଛନ୍ତି ବିଧାୟକ ସୁର ରାଉତରାୟ  ।