ବଲାଙ୍ଗିର, ଆଜି ଗଣତନ୍ତ୍ରର ମହାନ୍ ପର୍ବ ସାଧାରଣ ନିର୍ବାଚନ। ବଲାଙ୍ଗିର ଲୋକସଭା ଓ ଜିଲ୍ଲାର ପାଞ୍ଚ ଗୋଟି ବିଧାନସଭା ପାଇଁ ସକାଳୁ ମତଦାନ ଚାଲିଛି। ବଲାଙ୍ଗିର ଜିଲ୍ଲାପାଳ ଗୌରବ ଶିବାଜୀ ଇସଲ୍ୱାର ରୁଗୁଡ଼ିପଡ଼ା ବୁଥ୍ ନଂ.୨୫୩ରେ ନିଜର ମତଦାନ ଅଧିକାର ସାବ୍ୟସ୍ତ କରିଛନ୍ତି । ଜିଲ୍ଲାପାଳ ଶ୍ରୀ ଇସଲ୍ୱାର ନିଜ ଭୋଟଦାନ ଅଧିକାରକୁ ସାବ୍ୟସ୍ତ କରିବା ପାଇଁ ବଲାଙ୍ଗିର ବାସୀଙ୍କୁ ଅନୁରୋଧ କରିଛନ୍ତି । ବଲାଙ୍ଗିର ଜିଲ୍ଲାରେ ଜନସାଧାରଣଙ୍କ ଭୋଟଦାନ ପାଇଁ ସମସ୍ତ ପ୍ରକାର ବିଧି ବ୍ୟବସ୍ଥା କରାଯାଇଥିବା ବେଳେ ଶୃଙ୍ଖଳା ଦୃଷ୍ଟିକୋଣରୁ ମଧ୍ୟ ବିଶେଷ ପଦକ୍ଷେପ ଗ୍ରହଣ କରାଯାଇଥିବା ସେ କହିଛନ୍ତି ।
