ଧର୍ମଶାଳା, ସାଧାରଣ ନିର୍ବାଚନ ପାଇଁ ସମସ୍ତ ଦଳ ସଜବାଜ । ଏନେଇ ନିର୍ବାଚନ ପ୍ରଚାର କାର୍ଯ୍ୟ କାର୍ଯ୍ୟ ଜୋରଦାର ହେଉଥିବା ଦେଖିବାକୁ ମିଳୁଛି । ସମସ୍ତ ଦଳର ପାର୍ଥୀ ଏବେ ଗାଁ ମୁହାଁ । ଏହି କ୍ରମରେ ଭାରତୀୟ ଜନତା ପାର୍ଟି ତାର ପ୍ରଚାର କାର୍ଯ୍ୟ ଜାରି ରଖିଛି । ଯାଜପୁର ଜିଲା ଧର୍ମଶାଳା ବିଧାନସଭାକ୍ଷେତ୍ର ପାର୍ଥୀ ସ୍ମୃତିରେଖା ପହିଙ୍କୁ ପାର୍ଥୀ କରିଛି । ସେ ଆଜି ଧର୍ମଶାଳା ନିର୍ବାଚନ ମଣ୍ଡଳୀ ୧୪ନଂ ଜୋନରେ ପଦଯାତ୍ରାରେ ନିର୍ବାଚନ ପ୍ରଚାରରେ ବାହାରି ବିଭିନ୍ନ ଗ୍ରାମ ପରିକ୍ରମା କରି ନିଜ ସପକ୍ଷରେ ଓ ଲୋକସଭା ପାର୍ଥୀଙ୍କ ପାଇଁ ଭୋଟ ଭିକ୍ଷା କରିଛନ୍ତି । ସ୍ମୃତି ମିର୍ଜାପୁର ପଂଚାୟତସ୍ଥ ମାନେଶ୍ୱର ମନ୍ଦିର ପରିସରରେ ପଂହଚି ଦଳୀୟ କର୍ମକର୍ତାଙ୍କ ସହ ପୂଜାର୍ଚ୍ଚନା କରି ପଦଯାତ୍ରାରେ ବାହାରି ଥିଲେ । ବିଭିନ୍ନ ଗାଁରେ ବୁଲି ଯଶସ୍ୱୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିକାଶ ଧାରା କାର୍ଯ୍ୟକୁ ଘରେ ଘରେ ଲୋକଙ୍କୁ ଅବଗତ କରାଇବା ଉଦ୍ଦେଶ୍ୟରେ ଗୃହ ସମ୍ପର୍କ ଅଭିଯାନ କାର୍ଯ୍ୟ ମାଧ୍ୟମରେ ଘରଘର ବୁଲି ଜନସାଧାରଣଙ୍କୁ ବୁଝାଇଥିଲେ । କାର୍ଯ୍ୟକ୍ରମରେ ବରିଷ୍ଠ ବିଜେପି ନେତା,କର୍ମୀ ଓ ବୁଥ୍ ସ୍ତରୀୟ କାର୍ଯ୍ୟକର୍ତା ଏହି ପଦଯାତ୍ରାରେ ସାମିଲ ହୋଇଥିଲେ । ବିଭିନ୍ନ ସ୍ଥାନମାନଙ୍କରେ ତାଙ୍କୁ ବିପୁଳି ସମର୍ଥନ ମିଳୁ ଥିବା ଦେଖିବାକୁ ମିଳିଥିଲା ।
